Dans la mme rubrique

Resabe tsy nihinanan-kanina !

01/07/2020

Telo volana latsaka herinandro izay no nilazan’ny Filoham-pirenena Andry Rajoelina ny 8 aprily 2020, fa hisy ny fanisam-bahoaka hametrahana ilay antsoina hoe: “digitalisation”

Resabe tsy nihinanan-kanina !

Hamaky ny tohiny...

Amoron-tevana

30/06/2020

Amoron-tevana tsy misy arofanina ankehitriny ny fiainan-dRamalagasy manoloana ny adin-tsaina, mba tsy hilazana hoe horohoron-tsaina, aterak’ity taremarika momba ny aretina COVID 19 tsy mitsaha-mitombo ity.

Amoron-tevana

Hamaky ny tohiny...

Tsy misy tompon'ny ampitso…

29/06/2020

Samy niandry izay zava-baovao hambaran’ny fitondram-panjakana tamin’ny alalan’ny Praiminisitra omaly hariva.

Tsy misy tompon'ny ampitso…

Hamaky ny tohiny...

Tsy nisy tao anatin’ny 60 taona…

25/06/2020

Fomba firesaka sy kabary faheno matetika ambaran’ny Filoham-pirenentsika ankehitriny nanomboka tamin’ny propagandy ny hoe

Tsy nisy tao anatin’ny 60 taona…

Hamaky ny tohiny...

Miha ratsy isan’andro

24/06/2020

Miha ratsy isan’andro ny zava-mitranga eto amin’ny firenena na dia atao ankapobeny fotsiny aza ny fomba fijery azy. Tsy mbola miditra amin’ny tena antsipiriany akory.

Miha ratsy isan’andro

Hamaky ny tohiny...

Mihenjan-droa ny tady

22/06/2020

Mihenjan-droa ny tady saingy fihenjanana hafa kely tsy toy ireo izay nisy hatramin’izay no misy eo amin’ny fitondrana Malagasy sy ireo any ivelan’ny fitondrana.

Mihenjan-droa ny tady

Hamaky ny tohiny...

Ho sitrana tokoa anie !

19/06/2020

Tsy ny aretina toy ny tazo mahery, ny dengue, ny COVID 19 sy ny aretim-batana rehetra ihany ankehitriny no mahazo sy hatrehin’ny Malagasy.

Ho sitrana tokoa anie !

Hamaky ny tohiny...


Edito

Tsy ho diso mandrakizay ?

02/06/2020

Misafotofoto tanteraka ny fiainam-pirenena amin’izao fotoana izao ka asa na hanao ahoana ny hiafarany ? Ny valanaretina coronavirus mitombo isan’andro ny voa, misy ny mamoy ny ainy,…

 

 Voafehintsika, hono, io raha ny voalazan’ny Filoham-pirenena tamin’ny valan-dresaka nataony. Tena izay ve no zava-miseho eto Madagasikara ? Afaka ny hahatoky izany ve ny Malagasy amin’izao fotoana izao ? Mitaintain-dava, sahiran-tsaina na dia mahazo toky isak’izay mandeha aza. Miovaova andro aman’alina ny zavatra ambara ka mbetika, toy ny resaka fanafody tsindrona. Hanoratra tantara vaovao amin’izao 60 taona manaraka izao, iray ny Malagasy, iray ny Nosy, ka tokony hiray feo amin’ny fiandrianam-pirenena. Matoa resy sy tafiditra teto ny mpanjaka dia nisy firaisana tsikombakomba tao, ka tsy tokony tsy hiseho intsony izany, hoy ny Filoham-pirenena. Tena vitany ve ny mampiombona ny Malagasy hahafahana miara-mametraka ilay hambopom-pirenena ? Ny tsapa mantsy indraindray dia toa sokajiana ho tsy tia na mpamadika tanindrazana ny fijoroana amina foto-kevitra tsy mifanaraka amin’ny sain’ny mpitondra. Miharihary io amin’ny resaka fananganana ny Kianja Masoandro, izay misy Malagasy mankasitraka ary misy ny mandà tanteraka an’io na tiana na tsy tiana. Toa famantsihana sy fitanisana ireo ambara fa tsy nety natao teo aloha no ventesina, ary fandalanjalanjana ny hoe iza no tena nanao ny tsy nety. Angaha isika tsy mahay maka lesona fa ny fomba firesaka dia toa te hilaza hoe Rakoto na Rabe aza nanao zavatra tahaka izao ka nahoana izahay no tsy mba hanao izay metimety sy ny revirevinay? Toa tsy hisy mihitsy angamba izany fanetren-tena izany ka mba hiaiky sy hanitsy ny dia hoe tena tsy mety tokoa ity, tena marina tokoa ny hevitry ny hafa, tena misy tokoa ny lesoka,… Raha tena mpitondra mahitsy sy tsy mba diso ary tena mahay no mitondra an’i Madagasikara tsy ho tahaka izao isika tsy hisafotofoto tahaka izao ny zava-drehetra, saingy ny lehibe tokoa angamba tsy mba diso.

Toky R

 

 <<Retour

 

Réagissez sur l'article - 0 réaction(s)

Hametraka fanamarihana

Captcha Recharger l'image

Copyright 2009 Tia Tanindrazana