Dans la męme rubrique

Mbola ankamantatra…

29/05/2020

Ny fanampiana avy amin` ny fanjakana dia mbola tsy misy resaka. Mahatsiaro tsisy mpiahy ireo orinasa izay mampiodina ny toekarena.

Mbola ankamantatra…

Hamaky ny tohiny...

Ory kolontsaina

28/05/2020

Saham-piheverana vokarin’ny kolontsaina fa tsy Voajanahary akory ny atao hoe Hasina, hoy ny mpandinika iray omaly.

Ory kolontsaina

Hamaky ny tohiny...

Tsy misy marina izay tsy hiseho

27/05/2020

Nangina tsy nisy nandrenesam-peo intsony ireo vondrona manam-pahaizana nitondra fanakianana noho ny fahitana tsy fanarahana fenitra ara-tsiantifika momba ilay tambavy CVO, taorian’ny fiantsoana tany an-dapa.

Tsy misy marina izay tsy hiseho

Hamaky ny tohiny...

Fahantrana lalina

26/05/2020

Midina ny fahefa-mividin’ny valalabemandry. Maro rahateo ireo very asa vokatr’izao krizy izao.

Fahantrana lalina

Hamaky ny tohiny...

Atao haingam-pandeha daholo !

23/05/2020

Tsy vao sambany amin’izay heverina ho vakoka nokitihan’izao fitondrana izao akory ny lapan’i Manjakamiadana, raha ho an’ny teto Antananarivo sy ny manodidina fotsiny no akana ohatra.

Atao haingam-pandeha daholo !

Hamaky ny tohiny...

Kimaizimaizina…

22/05/2020

Mihazakazaka ny fihanaky ny valanaretina coronavirus eto Madagasikara. Nambaran’ny fitondram-panjakana tany am-boalohany fa atao ao anatin’ny

Kimaizimaizina…

Hamaky ny tohiny...

Sahirana manetry tena

20/05/2020

Hatramin’izay nanomezana fahaleovantena ny firenena izay ka hatramin’izao izany aloha dia hita ho toetra fototry ny mpitondrantsika nifandimby ny

Sahirana manetry tena

Hamaky ny tohiny...


Edito

Aleo misoroka

20/04/2020

Aleo misoroka toy izay mitsabo. Fahendren’izao tontolo izao izany ary isika malagasy dia isan’ny mpamerimberina matetika izay fehezanteny izay.

 

 

 

 

Tsy amin’ny resaka fahasalamana ihany fa na inona na inona sehatra. Azo natao ny nisoroka ny fidiran’ity areti-mandripaka ity teto amin’ny firenena saingy mbola marefo ara-toekarena moa isika, hoy ireo mpitondra tamin’ireny fotoana ireny. Efa marobe ihany koa ireo sosokevitra hafa ankoatr’izay efa nasain’ny fitondram-panjakana natao hifehezana ny fiparitahan’ny valan’aretina saingy samy miaiky moa ny ankamaroan’ireo izay nanoso-kevitra, ankoatran’ny mpitondra sy ireo mpomba azy, fa toy ny rano raraka tan-damosin’ny gisa ny fandraisana ny hevitr’izy ireo. Tsy voasoroka ny fiparitahan’ny aretina noho izany fa lasa mianaka ny atao hoe “cas contact”. Azo nosorohana toy izany koa ny fahafaham-barakan’ity firenena ity eo imason’ireo haino aman-jery misy eto amin’izao tontolo izao sy ireo sehatra iraisampirenena, izay hita ho tsy tantin’ny mpitondra maro ny maheno azy ireny matetika, saingy efa rano raraka moa. Takona eo imason’izao tontolo izao ny fahombiazan’ny mpitsabo malagasy manoloana ny ady amin’ity COVID 19 ity fa lasa ny raharaha mikasika famonjana mpanao gazety indray no mampalaza antsika. Nanaraka azy indray koa moa avy eo iny resaka faminaniana izay zary toy ny ataon’ny maso vahiny fihomehezana iny. Azo nosorohana daholo ireny rehetra ireny ka heverina sy inoana ary antenaina fa tsy ho tsiny angamba ny mbola mampahatsiahy ny mpitondra sy izay omen’izy ireo andraikitra mivantana rehetra ao anatin’izao raharaha izao hoe aleo tompoko misoroka! Ny fahafaham-baraka mety azo arenina fa ny aina malagasy ho sanatria hiampatrapatra eto amin’ity firenena ity dia ho fahatsiarovana ratsy eo amin’ny tantara. Tsy azo vidiana eny Analakely sy Isotry, hoy ny solombavambahoaka iray izay, ny aina. Inoana fa azon’ny fitondram-panjakana sy ireo tompon'andraikitra atao amin’izay ny manatitra vatsy isan-tokantrano ao anatin’izao fihibohana fanintelony efa nandraisana famatsiam-bola maro izao. Aleo misoroka mba hilamin-tsaina na dia tsy mivoaka ny tranony aza ny olom-pirenena. Aleo misoroka mba sady tsy ho matin’ny hanohanana no tsy matin’ity areti-mandoza ity ny mpiray firenena.

J. Mirija

 <<Retour

 

Réagissez sur l'article - 0 réaction(s)

Hametraka fanamarihana

Captcha Recharger l'image

Copyright 2009 Tia Tanindrazana