Dans la mme rubrique

Faran’ny herinandro nampivarahontsana 6 maty, 418 tratry ny coronavirus

06/07/2020

Nampihorokon-koditra ny zava-nisy mikasika ny valanaretina coronavirus ny faran’ ny herinandro teo.

Faran’ny herinandro nampivarahontsana 6 maty, 418 tratry ny coronavirus

Hamaky ny tohiny...

Centre Médical Covid 19 - Village Voara 300 isan’andro no tonga manatona eny

06/07/2020

Olona miisa 300 isan’andro tamin’iny herinandro iny no tonga manatona teny amin’ny Village Voara Andohatapenaka misy ny Centre Médical COVID 19 na ny CMC.

Centre Médical Covid 19 - Village Voara 300 isan’andro no tonga manatona eny

Hamaky ny tohiny...

Ady amin’ny COVID 19 Ireo mpandeha an-tongotra no tena mafy loha

06/07/2020

Ireo mpandeha an-tongotra no hitan’ny mpitandro ny filaminana fa mafy loha manoloana ny ady amin’ny COVID 19 tanterahina eto amintsika.

Ady amin’ny COVID 19 Ireo mpandeha an-tongotra no tena mafy loha

Hamaky ny tohiny...

Fifehezana ny Covid 19 Mihiboka tanteraka Analamanga

06/07/2020

Faritra mikatona sy mihiboka tanteraka Analamanga. Io no tapaky ny filan-kevitry ny minisitra ny sabotsy 4 jolay teo, notarihan'ny Filoha Andry Rajoelina tamin` ny alalan` ny “visioconference”,

Fifehezana ny Covid 19 Mihiboka tanteraka Analamanga

Hamaky ny tohiny...

Lalatiana Andriatongarivo “Mandaitra ny CVO fa misy antony hafa matoa tsy avotra”

06/07/2020

Mandaitra ny fiarovana amin’ny CVO. Ny nanomezan’ny olona tsiny ny fanjakana dia ny hoe maninona no nomena maimaimpoana ny any ivelany.

Lalatiana Andriatongarivo “Mandaitra ny CVO fa misy antony hafa matoa tsy avotra”

Hamaky ny tohiny...

Fitsaboana sy fandraisana an-tanana Hanana antontam-baovao matotra kokoa isika

06/07/2020

Misy ny paikady handraisana an-tànana ireo marary tsy misy soritr’aretina. Hapetraka ny “plateforme digitale”

Fitsaboana sy fandraisana an-tanana Hanana antontam-baovao matotra kokoa isika

Hamaky ny tohiny...

Morondava Mikatona avokoa ny fiangonana, mitsahatra ny zotra rejionaly

06/07/2020

Nandray fepetra maromaro ny ivon-toeram-pibaikoana na CCO Covid-19 Menabe manoloana ny tsy fahasalamana nahazo ny Filohan'ny Fiangonana Loterana Malagasy sady Filohan'ny FFKM izay nivahiny sy nitarika fivoriana tao Morondava ny herinandro lasa teo,

Morondava Mikatona avokoa ny fiangonana, mitsahatra ny zotra rejionaly

Hamaky ny tohiny...


Covid 19

CORONAVIRUS MANERAN-TANY Maneran-tany Olona 3,3 Miliara tsy mivoaka ny trano

30/03/2020

Tafiakatra 31 412 ny maty maneran-tany amin’izao fotoana izao, ary 652 000 kosa ny mitondra ny tsimok’aretina ka firenena 183 no efa rakotra. 128 000 ireo marary efa sitrana.

 

 

Any Eoropa no ahitana ny 300 000 voa sy ny 19 000 mahery tamin’ny maty. I Italie hatrany no mitana ny lohalaharana amin’izay isan’ny maty izay efa tafiakatra 10 023. I Etazonia no ahitana olona voa be indrindra miisa 124 000. Olombelona hatrany amin’ny 3,38 miliara amina firenena manodidina ny 80 no namoahan’ny mpitondra azy fepetra tsy hivoaka ny trano fonenany, manome ny 43% amin’ny mponina eto ambonin’ny tany, izay efa mahatratra 7,9 miliara any ho any amin’izao fotoana izao, araka ny tombana nataon’ny Firenena Mikambana.

 

 

MANOMBOKA HITA NY FANAFODY

 Nambaran’ny Pr Didier Raoult, Talen’ny IHU Méditerranée Infection fa olona 1003 no manaraka fitsaboana amin’ny alalan’ny Protocole nataon’izy ireo dia ny hydroxychloroquine-azithromycine. Tao anatin’ny herinandro, dia 16 506 no nanaovana fitiliana. Tamin’ireo 1003 notsaboina, dia iray ihany ny maty dia lehilahy lehibe efa 86 taona. Misy ihany koa ny olona iray efa 70 taona ao amin’ny fameloman’aina. Na teo aza ny fanambaran’ny minisitry ny fahasalamana Frantsay, Olivier Véran izay nihevitra tany am-boalohany fa ireo tena voa mafy ihany no hampiasana an’io protocole io, saingy nampiasain’ny IHU tamin’ireo rehetra marary.

 

ESPAGNE

838 indray no maty tao anatin’ny 24 ora

 

Tafiakatra 838 ny maty tany Espagne tao anatin’ny 24 ora, ary efa 6528 ny fitambaran’ireo maty hatramin’izay, hoy ny fanambaran’ny minisitry fahasalamana any an-toerana. Mahatratra 78 797 ireo olona voa, izay nisy fitomboana 9,1%. Mitombo andro aman’alina ny isan’ny olona voa sy maty, fa na izany aza dia mba mitombo ihany koa ny tahan’ny fahasitranana izay nahatratra 19,7% tao anatin’ny 24ora satria olona 14 709 no sitrana.

PAYS-BAS:

 Mihazakazaka ihany koa ny isan’ny maty

 

Raha ny an-dry zareo Frantsay, dia mahatratra 2314 ny antontan’isa amin’izao fotoana izao. Mihoatra ny 10 000 kosa no voa any Pays-Bas izay manana mponina 17 tapitrisa. Miakatra tsikelikely ny isan’ny maty izay 771 omaly, ary 10 866 ireo voamarina fa efa voa, araka ny tatitra nataon’ny Ivon-toerana momba ny fahasalamam-bahoaka any an-toerana omaly alahady.

 

CANADA

Sitrana ny vadin’ny Praiminisitra

 

Ny sabotsy hariva teo no nanao fanambarana Rtoa Sophie Grégoire-Trudeau vadin’ny Praiminisitra Kanadianina Justin Trudeau, fa naharay ny valin’ny fitsirihana ara-pahasalamana azy, ka nambaran’ny dokoterany eo anivon’ny Fahasalamam-bahoaka ao Ottawa fa tomombana tsara ny fahasalamany. Ny 12 martsa moa Rtoa Sophie Grégoire mpanentana malaza tamina fahitalavitra fahiny ary 44 taona amin’izao fotoana izao no voamarina fa tratry ny Coronavirus taorian’ny diany tany Londres.

 

AUSTRALIE

Mahazo vahana ny herisetra ao an-tokantrano

 

Vola mitetina 150 tapitrisa dolara Aostralianina (82 tapitrisa Euros) no natokan’ny Governemanta any Australie hiadiana amin’ny herisetra ao an-tokantrano, izay tena nahazo vahana be nanomboka tamin’ny nisian’ny krizin’ny coronavirus. Nambaran’ny Praiminisitra Scott Morrison fa tafiditra ao anatin’ny drafitra hanampiana ny sehatry ny fahasalamana mitentina 1,1 miliara Aostralianina io.

 

 

ALLEMAGNE

Namono tena noho ny tebiteby ilay minisitra

 

 Namono tena ny Minisi-paritra misahana ny Vola any Hesse Allemagne, dia Atoa Thomas Schaefer. Ny sabotsy teo no nahitana ny fatiny teo amina lalamby. Nanana ahiahy sy tebiteby lalina manoloana ny fitotonganana ara-toekarena ateraky ny coronavirus ity minisitra ity, hoy ny Praiminisitra. 10 taona no nitanany andraikitra lehibe ara-bola tao Francfort misy ny ivon-toerana ara-bola Alemàna, izay misy ny Ivon’ny Banky Foibe Eoropeanina sy ny Banky Alémana. Niasa andro aman’alina ity minisitra ity mba hanampiana ny orinasa ho afaka miaina amin’ny zava-misy eo anatrehan’ny areti-mandringana coronavirus. Tsy zakany intsony anefa ny adin-tsaina hoe: ahoana no hanarenana ny toekarena, hany ka naleony ny tenany no novonoiny. Tranga hafakely izay sady mampahonena no mampalahelo ity.

 

Nangonin’I Toky R

 <<Retour

 

Réagissez sur l'article - 0 réaction(s)

Hametraka fanamarihana

Captcha Recharger l'image

Copyright 2009 Tia Tanindrazana