Dans la mme rubrique

BAR sy toeram-pisotroana Maro no mbola misokatra

03/04/2020

Mbola tsy voafehy ny fivarotana toaka eto Antananarivo satria tena maro no mbola misokatra ary maro be ihany koa ireo mpanjifa.

BAR sy toeram-pisotroana Maro no mbola misokatra

Hamaky ny tohiny...

Kaompaniam-piantohana Hahazaka ireo fatiantoka marobe ve ?

03/04/2020

Ny sehatra fiantohana dia afaka itarafana ny fandrosoan’ny toekarenan’ny firenena iray.

Kaompaniam-piantohana Hahazaka ireo fatiantoka marobe ve ?

Hamaky ny tohiny...

Fidiram-bola amin’ny fandaniana ara-tsosialy Nahena ny hetra alaina aminy

02/04/2020

Ho fampiharana ny fehezan-dalàna mifehy ny hetra sy ho fanatanterahana ny fanambarana mahakasika ny fahamehana ara-pahasalamana napetraka tamin’ny

Fidiram-bola amin’ny fandaniana ara-tsosialy Nahena ny hetra alaina aminy

Hamaky ny tohiny...

Sehatra tsy miankina Hampikatso tanteraka ny toekarena ny fitotonganan’ny asa

31/03/2020

Efa nisy ihany ny fitarainan’ireo fikambanan’ny Orinasa Afaka haba mahakasika ny fepetra misy ankehitriny dia ny fahamehana ara-pahasalamana.

Sehatra tsy miankina Hampikatso tanteraka ny toekarena ny fitotonganan’ny asa

Hamaky ny tohiny...

Fihariana anaty valan’aretina Misy ny maty antoka, ao koa ireo mahazo tombony

26/03/2020

Maro be ireo sehatra mahita faisana amin’ity aretina Coronavirus ity. Anisan’ny loha laharana amin’izany ireo mpisehatra rehetra amin’ny fizahantany.

Fihariana anaty valan’aretina Misy ny maty antoka, ao koa ireo mahazo tombony

Hamaky ny tohiny...

Coronavirus Mafy ny krizy ara-toekarena aterany

26/03/2020

Saika ny krizy entin’ny aretina coronavirus avokoa ny firenena manerana ziao tontolo izao eny fan a ireo tsy ahitana ny valan’aretina aza nohon’ny fijanonan’ny fifanakalozana ara-barotra.

Coronavirus Mafy ny krizy ara-toekarena aterany

Hamaky ny tohiny...

Banky Foiben’i Madagasikara Mitohy ny asa aman’andraikitra

25/03/2020

Nanao fanambarana ny Banky foiben’i Madagasikara (BFM) fa mitohy hatrany ny asa aman’andraikiny na dia eo aza ny fisian’ny valan’aretina Coronavirus. Afaka mbola mamatsy vola hatrany izy ireo ho fampandrosoana ara-toekarena ary nanamafy ny tsy maintsy hiara-miasa amin’ireo mpisehatra amin’ny banky.

Banky Foiben’i Madagasikara Mitohy ny asa aman’andraikitra

Hamaky ny tohiny...


Toekarena

Famokarana sy fanondranana heladrano Nihoaran’i Madagasikara i Inde, saingy…

18/03/2020

Ny firenena indiana no matanjaka indrindra amin’ny lalam-pihariana heladrano. Ny vokatra mivoaka avy amin’io dia ampiasaina hanaovana “produits cosmétiques”.

 

 

Ny avy aty Madagasikara kosa dia hafangaro amin’ireny akora fototra fanamboarana trano ireny. Amin’izao fotoana izao dia efa nihoaran’ i Madagasikara i Inde amin’ny fanondranana heladrano eo amin’ny sehatra iraisam-pirenena. Ny Indiana mihitsy no mpifaninana voalohany amin’ny firenena Malagasy.  Mety hahazo tombony voalohany anefa io firenena io satria mananontanona an’i Madagasikara ny sazy tsy ahafahana handefa entana eo amin’ny tsena iraisam-pirenena. Tsiahivina fa 3 volana lasa mantsy izay dia nisy horonantsary navoakan’ny televiziona miteny anglisy iray mikasika ny fampiasana zaza amin’ny toeram-pitrandrahana heladrano any amin’ny tapany atsimon’ny Nosy. Niparitaka manerana izao tontolo izao izany horonantsary izany ary nisy fiantraikany amin’ity lalam-pihariana ity. Ilaina ny fandraisan’andraikitra haingana satria efa manambana tsy handray ireo heladrano avy eto Madagasikara intsony ny tsena iraisam-pirenena amin’izao fotoana izao noho io horonan-tsary. Efa misy ihany aloha ny fidinana ifotony niarahan’ ny Minisitry ny Harena an-kibon’ny tany sy ny loharanon-karena stratejika, Fidiniavo Ravokatra tamin’ireo mpandraharaha misehatra amin’ny sehatra heladrano tamin’ny faran’ny herinandro nijerevana ny tena zava-misy marina. Natao mihitsy amin’izany ny fanadihadiana manokana satria nampihoro-koditra ny fampisehoana nataon’ireo mpanao gazety vahiny mahakasika ny tsy fanajana ny zon’ny ankizy eto Madagasikara ny amin’ny toeram-pitrandrahana sy ny asa atao manodidina io heladrano io. Raha ny isa navoakan’ izy ireo aza dia efa mahatratra 10 000 ireo ankizy miasa amin’ity fitrandrahana ity. Tsy handray ireo vokatra avy aty Madagasikara intsony mihitsy anefa ny tsena iraisam-pirenena ao amin’ny vondrona eoropeana raha tsy misy ny vahaolana mivaingana manoloana ny fampiasana ankizy amin’io sehatra io araka ny fanambarana. Ankoatr’izay dia efa manangasanga any koa ny sazy ho an’i Madagasikara avy amin’ny Amerikanina na dia efa ho 50 hatramin’ny 100 taona teo aza no nanondranan’ny Malagasy ny heladrano tamin’ireo firenena lehibe toy ny any Eoropa, Japon ary Rosia. An-taonina maro isam-bolana ny vokatra mivoaka tamin’izany ary faharoa manarakaraka ny orinasa goavana QMM ity lalam-pihariana ity amin’ny fampidiram-bola ao amin’ny kitapom-bolan’ny kaomina amin’ny alalan’ny tamberim-bidy samihafa sady mampidi-bola vahiny betsaka ihany koa.

Tsirinasolo

 <<Retour

 

Réagissez sur l'article - 0 réaction(s)

Hametraka fanamarihana

Captcha Recharger l'image

Copyright 2009 Tia Tanindrazana