Dans la mme rubrique

Komity loharano Lasa mampisavorovoro fokontany

10/04/2020

Sosotra sy tezitra ireo mponina teny Masinandriana Avaradrano satria nambaran’izy ireo fa kiantrano an-trano izay tsy izy ny fananganana ny komity

Komity loharano Lasa mampisavorovoro fokontany

Hamaky ny tohiny...

Fiara mifono vy sy basy Izay ve no vahaolana mety indrindra ?

10/04/2020

Hita fa tsy misangy tokoa ny fanjakana ka namoaka ireo fiara mifono vy amin’izao hamehana ara-pahasalamana eto amin’ny tanin’ny Repoblikan’I Madagasikara izao.

Fiara mifono vy sy basy Izay ve no vahaolana mety indrindra ?

Hamaky ny tohiny...

Hetsika Rohy “Tsy ekena ny fanagadrana mpanao gazety »

09/04/2020

Ny Hetsiky ny Firaisamonim-pirenena ROHY dia maneho etoana ny tsy fankasitrahany manoloana ny fitazonana amponja an-dRamatoa Rahelisoa Arphine,

Hetsika Rohy “Tsy ekena ny fanagadrana mpanao gazety »

Hamaky ny tohiny...

Mpanao gazety Arphine Helisoa Naverin’ny fitsarana any am-ponja

09/04/2020

Taorian’ny fampakarana ny raharaha sy ny fangatahana famotsorana vonjimaika ny mpanao gazety,

Mpanao gazety Arphine Helisoa Naverin’ny fitsarana any am-ponja

Hamaky ny tohiny...

Naina Andriantsitohaina “Mila olom-baovao ny firenena…”

08/04/2020

Araka ny voalazan’ny Filohan’ny Repoblika, dia hapetraka ny komity « Loharano » eny anivon’ny Fokontany sy ny « secteurs ».

Naina Andriantsitohaina “Mila olom-baovao ny firenena…”

Hamaky ny tohiny...

Antoko Natiora “Nijoro ho Raiamandreny ny filoha Ravalomanana.”

08/04/2020

Ireny fijoroan’ny filoham-pirenena teo aloha, Marc Ravalomanana, ireny no atao hoe fijoroana Raiamandreny, hoy ny filohan’ny antoko politika Natiora, Mihari-Ni-Rencho, raha naneho ny heviny mikasika ny fivahinianan’ity filoham-pirenena teo aloha tamina fahitalavitra tsy miankina iray.

Antoko Natiora “Nijoro ho Raiamandreny ny filoha Ravalomanana.”

Hamaky ny tohiny...

Mbola Rajaonah Natoka-monina tanteraka …

07/04/2020

Re fa novaina ny toerana izay ipetrahan’i Mbola Rajaonah ao amin’ny fonjan’i Tsiafahy.

Mbola Rajaonah Natoka-monina tanteraka …

Hamaky ny tohiny...


Politique

Fanirisoa Ernaivo Nanazava ny teknikan’ny hala-bato natao teto

06/03/2020

Amin’ny tsy maha eto an-tanindrazana azy dia tamin’ny alalan’ny tambajotran-tserasera facebook Rtoa Fanirisoa Ernaivo no nilaza ny heviny momba ny olana amin’ny ilay resaka

 

 

« doublon » kara-panondro. Manizingizina ity mpitsara ity fa tena misy akony amin’ny voka-pifidianana ny tsy fetezana na eo amin’ny lisi-pifidianana na eo amin’ny kara-panondro.Marihana fa 1 270 000 mahery ireo nambaran’ny CENI fa tsy fetezana momba ny kara-panondro ho an’ny olona voasoratra narana tao anaty lisi-pifidianana

 

Kara-panondro tsy nisy

Mila iverenana kely ny zava-nitranga , hoy i Fanirisoa Ernaivo ba hampazava tsara ny resaka.Nisy ny olana teo amin’ny fanaovana kara-panondro teto Madagasikara ny volana jona sy jolay 2018  fa hoe lany ny « imprimé ». Distrika maro manerana ny nosy no tratran’io indrindra fa ny teto Antananarivo Renivohitra. Nomena taratasy fanamarinana ny maha olom-pirenena azy fotsiny aloha na ilay antsoina hoe « certificat administratif » tamin’izany fotoana izay olona nangataka. Nisy koa ireo nasaina nanavao ny « déclaration de perte » na fanambarana fahaverezana. Taty amin’ny 21 aogositra 2018 no nivoaka ny vaovao fa efa tonga ireo « imprimé » . Taratasy manodidina ny 11 taonina izay ampiasaina mandritra ny 4 taona no nohafaran’ny fanjakana Malagasy hanaovana izany karapanondro izany tamin’izany fotoana.

Mpifidy nanjavona, anarana niovaova

Tsara ho marihana fa efa fotoana ela mialohan’izay no nikatona ny fanavaozana ny lisi-pifidianana (15 mey 2018) ; saingy ny olana nitranga tamina faritra maro manerana ny nosy dia ny hoe olona 5 ampy taona ary tokony hifidy miara-monina ao amina tokantrano iray no voasoratra tamin’ilay taratasy « rencensement »  nataon’ireo agents electoraux an’ny CENI ; rehefa nojerena anefa ny lisi-pifidianana lasa olona  3 sisa no ao fa tsy tafiditra ny olona 2. Misy aza mpivady izao, samy nameno ilay taratasy fanisana ny mpifidy, mihintsana tampoka izao ny anaran’ny iray. Tao no misy mampiahiahy ary tena niavian’ny hosoka, raha ny fanazavan’i Fanirisoa Ernaivo. Zavatra mety no niainga teny amin’ny fokontany fa rehefa tonga ny fampidirana ny anaran’ny mpifidy tao anaty solosaina teny amin’ny CENI dia nisy ireo latsaka na fanahy iniana nesorina tsotra izao , hoy izy. Ny anarana olona iray no ovaina im-betsaka fa ny laharana kara-panondro iray ihany.Nanome ohatra izy : Anarana tena izy : FANIRISOA Ernaivo ; ireo anarana novaovaina isan-karazany : FANIRY SOA Ernaivo, ERNAIVO Faniry Soa, HERINAIVO Fanirisoa, HERY NAIVO Fanirisoa…Izany hoe ny olona iray mety lasa olona 3 na 4, misy aza tonga 8 mihitsy araka ny filazany. Efa nilaza ny momba io tsy fetezana io teny amin’ny CENI ny « Collectif des candidats » tamin’ireny fifidianana filoham-pirenena ireny, saingy nihodinkodina ny valin-tenin’ny CENI ary tena nody fanina mihitsy aza izy ireo , hoy i Fanirisoa Ernaivo.

 

Tranga mampiahiahy

Notanterahana ny 7 novambra 2018 ny fihodinana voalohany tamin’ny fifidianana filoham-pirenena; andro vitsy taorian’io ny 13 novambra 2018 no nahitana kara-panondro 82 isa teny ambany tetezan’i Tanjombato. Rehefa nohamarinina dia ny 4 tamin’ireo ihany no ana mponina eny Tanjombato. Ny 16 desambra 2018 izany hoe 2 andro mialoha ny fihodinana faharoa tamin’ny fifidianana filoham-pirenena dia nampiantso mpanao gazety maika ny talen’ny Imprimerie Nationale tamin’izany fotoana Atoa Randriamboavonjy Jean Angelson fa misy kara-pifidianana sy kara-panondrom-pirenena tsy izy na hosoka izay tsy natontan’ny Imprimerie Nationale mivezivezy erak’i Madagasikara. Nesorina tamin’ny toerany moa avy eo ity tale ity.

 

Paikadin’ny halabato

Raha ny filazan-dRamatoa Fanirisoa Ernaivo azy dia tahaka izao manaraka izao ilay paikady nampiasaina hanatanterahana ny hala-bato: nisy mpifidy tokony ho ao anaty lisi-pifidianana manana kara-panondro mazava tsara noesorina tsotra izao tao, ka nosoloina olon-kafa maromaro,,dia eo no miditra ilay resaka tery ambony hoe atao miovaova ilay anarana fa ny laharan’ny kara-panondro mitovy ihany. Ny efa tsy ao anaty lisi-pifidianana dia mazava ny ambaran’ny lalàna fa tsy afaka mifidy. Ny voasoratra ao anaty lisi-pifidianana, na tsy nahazo karatry ny mpifidy aza dia afaka mifidy fa kosa tsy maintsy mampiseho kara-panondro na pasipaoro.Teo no heverina fa niditra an-tsehatra amin’izay ireo olona marobe nanao kara-panondro maimaika.

Tsy mahazo ny fon’ny vahoaka

Efa nanambara ny vokatra ofisialy moa ny fitsarana avo momba ny lalampanorenana (HCC), herintaona aty aoriana anefa izao miha mipongatra ny afera maizina momba ny fifidianana, karapanondro, sy lisi-pifidianana .Azo antoka fa tsy hiverina amin’ny fanapahan-keviny ny HCC saingy izao iaraha-mahita izao kosa fa sahirana ny mpitondra ankehitriny. Toa ny olana no betsaka noho ny vahaolana ary mikatso ny asa. Tsy marisika firy hifanome tanana amin’ny fitondram-panjakana ny olona fa toa samy maka ho azy; ny mpamatsy vola mody fanina. Tsotra ny antony : efa samy mahafantatra fa lany tamina fifidianana mampiahiahy ny mpitondra ankehitriny, ka asa izay ho tohin’ity tantara ity !

RTT 

 <<Retour

 

Réagissez sur l'article - 0 réaction(s)

Hametraka fanamarihana

Captcha Recharger l'image

Copyright 2009 Tia Tanindrazana