Dans la męme rubrique

Mahakely fanantenana !

14/06/2019

Ny an-daniny milaza fa tsy mahazaka resy ireo mimenomenona eo anatrehan’ny filazana fa misy ny hosoka ara-pifidianana, fa fitia te hanakorontana fotsiny.

Mahakely fanantenana !

Hamaky ny tohiny...

Edito Ilay “valala tsy an-tanana”

13/06/2019

“Valala tsy an-tanana tsy atolo-jaza”, hoy ny fahendrena Malagasy.

Edito Ilay “valala tsy an-tanana”

Hamaky ny tohiny...

Mandaitra ve ny fanabadoana ?

12/06/2019

Dimy volana nitondrana ny firenena Atoa Andry Rajoelina. Ao ny mety ho tsara fa ao ihany koa ny zavatra mamohehitra afitsoky ny fanjakana.

Mandaitra ve ny fanabadoana ?

Hamaky ny tohiny...

Mila manova tanteraka

11/06/2019

Fitenina Malagasy maro matetika moa ny hoe mila manova toe-tsaina isika.

Mila manova tanteraka

Hamaky ny tohiny...

Edito Diso ady sy fahavalo

07/06/2019

Raha resaka politika dia mbola ny hoe “tsy misy TIM maharesy TGV na IRD” na koa hoe “Andry Rajoelina tsy nahavita ny vitan’i Dada izany”.

Edito Diso ady sy fahavalo

Hamaky ny tohiny...

Mamosavy tena sahady !

06/06/2019

Marina fa eo am-pelantanana ny fahefana. Tsy azo lavina fa mety afaka manao izay tian-katao manampatra fahefana ny fanjakana ankehitriny.

Mamosavy tena sahady !

Hamaky ny tohiny...

Iza no tena taraiky?

04/06/2019

Tsaroana foana ary efa voarakitry ny tantara rahateo moa ny adihevitra nifanandrinan’ny filoham-pirenena ankehitriny sy ny kandida mpifaninana aminy tamin’ny fifidianana filoham-pirenena farany teo.

Iza no tena taraiky?

Hamaky ny tohiny...


Edito

Inona no atao ?

14/05/2019

Efa ho 130 andro izao no nijoroan’ny fitondram-panjakana vaovao. Tokana ny fanontaniana mahafehy ny raharaham-pirenena. Inona no atao? Tsy mety tafainga ny IEM.

 

Maro ireo milaza izany ary izay rahateo moa no hita ho mibaribary. Na ny naheno ny kabarin’ny filoham-pirenena tetsy amin’ny lapan’ny kolontsaina sy ny fanatanjahantena farany teo aza maha lasa saina. Ny zato isan-jaton’ny velirano, hoy izy, no tsy maintsy tontosaina. hatreto aloha izany dia hita ho toa fanodinana saim-bahoaka na ilay antsoin’ny vazaha hoe “diversion” ihany no tena hita ho nisongadina indray tena mitranga. Tao anatin’ny drafitra ve ny fanarenana ny Rova fa indrindra ireny fihetsiketsehana be natao tao anatiny ireny? Ho tontosa tokoa ve ilay hoe fanarenana ao anatin’ny 5 taona izay tsy vita tao anatin’ny 58 taona? Iza amin’ireto telo ireto marina ilay tena ho tanterahana? Ilay ao anatin’ny boky be antsoina IEM ve sa ilay velirano miisa 13? Ity farany moa misy milaza ho fintin’ilay voalaza voalohany teo kanefa rehefa tena dinihina dia toa manakaiky ny programan’ny kandida nifanandrina tamin’ny filoham-pirenena ankehitriny tamin’ny fifidianana farany teo ihany. Dia mbola mamaky ny lohan’ireo vahoaka Malagasy izay efa dontoana araka ny filazan’ny filoham-pirenena azy ankehitriny koa izao ilay antsoina hoe politika ankapoben’ny fitondrana na PGE. Inona koa io, hoy ny mpanara-baovao? Politika sa praograma? Iza amin’ireo 3 ireo izany no tena hifantohan’ny fitondrana ankehitriny ny fanatanterahana azy? Raha samy ho tanterahana daholo dia ahoana ny fandrindra azy? Hatreto aloha izany dia ho toy ny mbola ampahany amin’ireo valinteny ihany no azo amin’ny asa tontosain’ny fitondrana. Izay izany ilay nofy aminy ka dia mbola vao maika hampitombo ny fahatsiahivana ny fitondrana tetezamita sy ny tapimasony indray. Natao ny Coliseum saingy sahirana ireo mpanakanto vao afaka mameno azy. Natao ireo hopitaly manara-penitra fa mbola ahenoana olana ara-pitaovana sy ara-pitsaboana ihany. Dia hanampenana masom-bahoaka ankehitriny koa ve izany ny oniversite manara-penitra tsy hisy mpampiodina atsy ho atsy. Ny Tanamasoandro, ny Miami, ny Ambatondrazaka ho toy ny Parisy. Hanao ahoana tokoa re! Ao anatiny izany rehetra izany anefa dia hita ho takona tanteraka ny tena sosialim-bahoaka ary na dia ny fahatongavan’ilay vary mora hita ho nezahana nanaovana tapimaso tsy ahitana izany aza niteraka resabe ny tsy firindran’ny fitsinjarana azy. Asa na haharitra hatraiza ny fahazakan-dRamalagasy izao seho ivelany lava izao!

J. Mirija

 

 <<Retour

 

Réagissez sur l'article - 0 réaction(s)

Hametraka fanamarihana

Captcha Recharger l'image

Copyright 2009 Tia Tanindrazana