Dans la mme rubrique

Serge Zafimahova “Akaiky ny fipoahana ara-tsosialy”

10/07/2020

Olana be rehefa mihiboka na ekena aza fa misy ny aretina. Tokony hisy fandinihina ara-stratejika bebe kokoa ataon’ny mpitondra fa efa tsy tafavoaka intsony ilay izy satria efa miha manakaiky foana ny fipoahana ara-tsosialy.

Serge Zafimahova “Akaiky ny fipoahana ara-tsosialy”

Hamaky ny tohiny...

Antenimierandoholona 11 volana, tsy voatendry ny solon’i Mbade Jeannine

10/07/2020

63 ny isan’ireo Loholona mandrafitra ny Antenimierandoholona, izay andrimpanjakana faharoa eto amin’ny tanin’ny Repoblikan’i Madagasikara.

Antenimierandoholona 11 volana, tsy voatendry ny solon’i Mbade Jeannine

Hamaky ny tohiny...

Tsy fanarahana ny toromarika Mila mandini-tena ny mpitondra fanjakana

10/07/2020

Tao anatin’ny 3 andro niverenan’ny fihibohana tapak’andro izao no nahitana fa sarotra ho an’ny olom-pirenena ny tsy hifanaretsaka amin’ireo toerana fitadiavany isan’andro. Isotry, 67ha, Ambanidia,

Tsy fanarahana ny toromarika Mila mandini-tena ny mpitondra fanjakana

Hamaky ny tohiny...

Hemerson Andrianetrazafy –mpahay tantara “Marefo sy tsy tsara faka ny demokrasia eto”

10/07/2020

Rehefa tsy eo amin’ny fitondrana ireo nitondra taloha vao mody misaina, hoy ny mpahay tantara, Hemerson Andrianetrazafy.

Hemerson Andrianetrazafy –mpahay tantara “Marefo sy tsy tsara faka ny demokrasia eto”

Hamaky ny tohiny...

Fanadihadian’ny fahitalavitra Ivorianina “Henatra ho an’i Afrika i Andry Rajoelina”

10/07/2020

Nanao fanadihadiana sy fakan-kevitra tamin’ny mponina any aminy mahakasika ny tambavy Covid-Organics na CVO ny fahitalavitra Ivorianina NTV. Hita izao fa tsy mahomby io fanefitra io,

Fanadihadian’ny fahitalavitra Ivorianina “Henatra ho an’i Afrika i Andry Rajoelina”

Hamaky ny tohiny...

Fetim-pirenena Frantsay Tsy hisy ny lanonana samihafa

10/07/2020

Noho ny fihanaky ny aretina covid-19 maneran-tany dia mbola maro ireo firenena no mandrara ny famoriam-bahoaka.

Fetim-pirenena Frantsay Tsy hisy ny lanonana samihafa

Hamaky ny tohiny...

Alain Andriamiseza “Tsy mino ny mpitondra intsony ny vahoaka”

09/07/2020

Tsy nazava ny politika napetraky ny fitondram-panjakana hitantanana ity aretina ity matoa misy fiverenana amin’ny fihibohana efa ho tanteraka indray, hoy ny mpanao politika, Alain Andriamiseza.

Alain Andriamiseza “Tsy mino ny mpitondra intsony ny vahoaka”

Hamaky ny tohiny...


Politique

Fanjakana manao bemarenina Ho taona fotsy ny eny Ankatso…

10/04/2019

Efa efatra herinandro tsy nisy mpihaino sy mpiraharaha ny sendikan’ny mpampianatra mpikaroka sy ny mpikaroka mpampianatra na ny SECES. Mikatso tanteraka ny anjerimanontolon’Antananarivo. Nihamafy ny fampikatsoana ny asa fampianarana omaly satria nikatona ny oniversiten’Ankatso, ENS Ampefiloha, Politeknika Vontovorona.

 Zary resaky ny moana sy ny marenina ny famahana ny olana, izay tsy vao izao fa efa an-taonany. Miantso an’efitra ny SECES Sampana Antananarivo satria tsy nisy ny fihainoana nataon’ny fanjakana mahefa, izay notsindrian’ny filohan’ny SECES Antananarivo Ravelonirina Sammy Gregoire tamin’ny fiandohan’ity fa ny filoham-pirenena sy ny praiminisitra no ambara fa fanjakana mahefa eto. Raha toa ka heverin’ireo olona ireo ho laharam-pahamehana ny raharaha manodidina ny anjerimanontolo sy ny foibem-pikarohana, dia heverinay fa mba nanana fotoana na 5 minitra monja aza hihainoana ny solontenan’ny SECES Antananarivo izy ireo, hoy hatrany Atoa Ravelonirina Sammy Grégoire. Mbola nanamafy ny antso ary miandry sy manantena fandraisana sy fifampidinihana izy ireo. Anisan’ny olana mahatonga ny fitakiana ny: tsy fahampian’ny Mpampianatra sy Mpikaroka, kanefa tsy misy ny fandraisana vaovao; Ireo am-perinasa nahavita be tamin'ny fanompoana tsy hasondrotra noho ny fikatsoan'ny ''reclassement'' sy ''avancement'' navoakan'ny minisiteran'ny toekarena sy vola ary ny tetibola. Ireo zokiolona manana traikefa tsy avela hanohy satria nofoanana ny ''maintien en activité''. Raha toa ka tsy misy ny famahana ny olana dia miitatra, ary mety hiteraka zavatra tsy ampoizina eny anivon’ny anjerimanontolo. Tsy hiverina hiasa ireo mpampianatra raha tsy misy ny dingana hamahana ny olana, izay azo adika fa raha izao mitohy dia mizotra mankany amin’ny taona fotsy ny eny amin’ny anjerimanontolo. Na mivaha aza ny olana dia efa azo sokajiana ho taona maty ny fahatarana samihafa ateraky ny fikatsoana noho ny fitokonana na fitakiana samihafa miseho, izay manakorontana ny tetiandro na lasa rotoroto ny fanonerana ny fotoana. Tsy vao izao rahateo ny olan’ny fampianarana ambony fa efa an-taonany maro, saingy tsy misy vahaolana na fampanantenana na vahaolana petatoko, ka tsy atao mahagaga raha miseho hatrany ny fitakiana sy fitokonana. Fomba fanao aza ny fandefasana herim-pamoretana handrava hetsika rehefa tena mafana sy miitatra, tahaka ny natao tamin’ny mpianatry ny Politeknika Vontovorona vao tsy ela akory izay. Niafara tamin’ny fisamborana ireo mpitarika sy fampiakarana fitsarana ka nanomezana sazy miantona ny filohan’ny fikambanan’ny mpianatra.

Toky R

 

 <<Retour

 

Réagissez sur l'article - 0 réaction(s)

Hametraka fanamarihana

Captcha Recharger l'image

Copyright 2009 Tia Tanindrazana