Dans la męme rubrique

Edito Inona ilay tokony ho nohenoina ?

27/01/2020

“800fmg ny 1FF tamin’ny fitondrako”, “raha nihaino ny teniko tsy ho toy izao mihitsy ny firenena”.

Edito Inona ilay tokony ho nohenoina ?

Hamaky ny tohiny...

Efa rano raraka

21/01/2020

Toy ny vao omaly ilay raharaha 2009 nivoizana fa namadika tanindrazana ny mpitondra teto Madagasikara, raha saika hampanofa tany ny orinasa Koreanina iray.

Efa rano raraka

Hamaky ny tohiny...

Mba rahoviana

20/01/2020

Itodihana ny lasa, atrehina ny ny ankehitriny, banjinina ny ho avy.

Mba rahoviana

Hamaky ny tohiny...

Edito Demokrasian’ny fanagiazana

17/01/2020

Tsaroana ny fanakianan’ny mpanohitra azy ilay filoham-pirenena iray ho mpanao ampihimamba.

Edito Demokrasian’ny fanagiazana

Hamaky ny tohiny...

Be loatra ny mpamosavy malemy

16/01/2020

Tsy takona afenina intsony fa mikorontana ny firenena. Tsy mahavaha olana ny fitondram-panjakana.

Be loatra ny mpamosavy malemy

Hamaky ny tohiny...

Edito Maty paika !

15/01/2020

Misasaka sahady ity ny volana janoary. Be izay hita tao anatiny izay.

Edito Maty paika !

Hamaky ny tohiny...

Mbola mitaredretra ihany !

14/01/2020

Feno ny fepetra ara-politika ananan’ny fanjakana ankehitriny fahefana hampandroso an’i Madagasikara. Malalaka tamin’ny fisafidianana ny ekipany ny filoha,

Mbola mitaredretra ihany !

Hamaky ny tohiny...


Edito

Mihaingo ambony tsikoko hatrany

02/04/2019

Any ampitan-dranomasina ny filohantsika, izay tena miedinedina sy mirehareha ery fa izy, hono, no vahiny manan-kaja amin’ny lanonana hanasan-dry zareo Sonegaly azy.

 Andeha ekena fa voninahitra ho azy sy ny firenena tokoa izany. Inona no mahamaika ny firenena vahiny na matanjaka na salantsalany mitady hirika sy maka ny fon’ny mpitondrantsika ankehitriny ? Isika izay firenena sokajiana ho mahantra indrindra eto ambonin’ny tany raha ny faripiainan’ny vahoaka. Ity filohantsika ity aza fahiny dia nambanian’ny mpitondra Afrikanina ho tsy misy kalitao. Fantatry ny olona fa mety ho vaky balina indray ny fahazoana harena aty Madagasikara. Nandeha tany Maorisy ny filoha, tapa-bolana lasa izay. Nambarany fa homena tany 80ha ny Maorisianina hanaovany fandraharahana.  Aleo vantanina ny resaka, tsy hisy firenena handeha hanampy na hampiasa vola na hanome vola fahatany izany raha tsy misy tambiny. Bizina io fa aza mifanabado eto e ! Ny an’ny mpitondra any ivelany any rehefa mandeha, dia voan-dalana no entiny miverina ho an’ny vahoaka ary zavatra tokony ho azo tsapain-tanana no atolotra. Ny mpitondra antsika kosa toa ampifilafilain’ny olona. Indrisy fa ny an’ny tena aza no mety mbola hanaraka raha tsy mahay tsara ao anatin’ity raharaha ity. Tsaroana izao seho ivelany izao ka nampisehoana fa ireo ny mpamatsy volan’ny tetikasan’ilay filoha fa ny fahalaniany sisa andrasana. Nivatravatra ery nanao teny tsy am-piheverana fa izy indray, hono, no hampitrosa an’i Kaomoro rehefa tonga eo, kinanjo manomboka mitady ho fotsy varavarana mitangirika vola ato sy aroa. Raha ny fihetsika sy ny seho ivelan’ilay filoha sy ekipany any ivelany any aloha, raha tsy voalohany manankarena indrindra aty Afrika na eto ambonin’ny tany mihitsy ny firenena Malagasy dia faharoa. Tena mampiseho fa tsy mena-mitaha amin’ny hafa, ary tsy mitsitsy vola aman-karena any ivelany any, fa ny olona mahantra kosa tambazana kaontenera hitoerana eo amoron-drano masiso sy hivarotana vary mora dia milamina. Mihaingo ambony tsikoko hatrany ny mpitondra antsika satria toa tsy mitandro vola aman-karena sy mirehareha fatratra any amin’izay aleha any. Ny vahoakany kosa anefa mahantra fadiranovana tratry ny domina tapany handoa erany lava. Tsy mbola tonga saina foana ve e ?

Toky R

 

 <<Retour

 

Réagissez sur l'article - 0 réaction(s)

Hametraka fanamarihana

Captcha Recharger l'image

Copyright 2009 Tia Tanindrazana