Dans la mme rubrique

Kimaizimaizina no lehibe indrindra

22/03/2019

Ny fitiavana no lehibe indrindra, hoy ilay teny ao anatin’ny soratra masina nentina natao fitaovana politika teto amin’ny firenena Malagasy.

Kimaizimaizina no lehibe indrindra

Hamaky ny tohiny...

Mila mailo dieny izao

21/03/2019

Tamin’ireny andro ireny nisy nofy nolokoana, nisy nofo nokoloana, nisy mofo notsakoina dia nilamina ny tany, hoy ny poeta iray izay. Miha mafy hatrany tokoa ny fiainana ary tsy misy izay tsy mitaraina momba izany ny olombelona rehetra eto ambonin’ny tany.

Mila mailo dieny izao

Hamaky ny tohiny...

Mbola henjana ny ady

20/03/2019

Nivoaka iny izany ny lisitry ny kandida afa-panadinana teo amin’ny dingana voalohany, ka ofisialy ny fahafaha-mandray anjara amin’ny fifidianana ho solombavambahoaka. Mbola manana fe-potoana hahafahana mameno ny fepetra ny hafa na izany aza.

Mbola henjana ny ady

Hamaky ny tohiny...

Lany fotoana

19/03/2019

Vola ny fotoana, hoy ry zareo japoney izay. Izany toetsaina izany no naha resy lahatra azy ireo tsy handanindany fahatany io fotoana io fa hamadika ny fotoanany ho vokatra hatrany.

Lany fotoana

Hamaky ny tohiny...

Mandady indray ny trambo

18/03/2019

Hivoaka amin’ny fomba ofisialy rahampitso 19 martsa ny lisitra ofisialin’ireo kandida hifaninana solombavambahoaka.

Mandady indray ny trambo

Hamaky ny tohiny...

Lasa bizina vaovao

15/03/2019

Tongotra mby an-dakana ny fifidianana depiote, ka miandry ny lisitra ofisialin’ireo mpifaninana aloha izany isika mianankavy.

Lasa bizina vaovao

Hamaky ny tohiny...

Hanakoako indray ny balarora

13/03/2019

Tapitra ny fotoana nahafahana nandrotsaka ny antontan-taratasy filatsahan-kofidiana depiote. Didim-pitondrana vaovao no afaka hanalavana an’iny, raha hisy an’izay ho an’izay mety mbola nisalasala.

Hanakoako indray ny balarora

Hamaky ny tohiny...


Edito

Verezin’ny tao afara

14/03/2019

Mainty ny ho avin’i Madagasikara, hoy ilay mpanao politika iray izay. Fehezanteny tsotra sady tsy mahafaly ny maheno izany kanefa toa maha lasa heritreritra ihany hoe fa maninona no mbola tsy ampy 60 andro akory no nitoeran’izao fitondrana izao dia efa izany sahady no

 

 

famehazan’ireo raiamandreny ny loza mananontanona ity nosy ity. Ireo firenena nitsiriritra antsika rehetra teo aloha aza tsy vitsy amin’izy ireny no lasa fitsiriritrantsika indray ankehitriny. Izany no tena tonga amin’ilay fitenena hoe verezin’ny tao afara. Hatramin’ny nosy Maorisy avy aza no mampirehareha antsika fa hamatsy vola ny fitondrana. Nireharehana anefa teo aloha fa tsy mila famatsiam-bola avy any ivelany ny fampandrosoana ary efa hatramin’ny tetezamita farany teo izany teny izany no nanakoako. Mbola sahin’ilay filoham-panjakana tamin’izany izay filoham-pirenena ankehitriny ihany no mamerina azy. Nasiany fanamarinana mihitsy aza moa hoe isika indray no hampindram-bola an’i Kaomoro atsy ho atsy. Asa moa io ao aoriana kely lazaina ion a rahoviana marina. Ho avy tsy ho ela toy ny tramway ve? Tonga dia maro no tsy misalasala mamaly hoe mbola ho lavitry ny afo ny kitay. Na tsy hiala lavitra antsika sy ireo nosy rahavavy fotsiny aza ny dinika dia efa toy ny tongom-bakivaky sady marary no maha menatra, hoy ny filazan’ny Ntaolon-drazantsika azy. Mba saika niray tantara sy naka filamatra antsika daholo ihany ireo raha iverenana ny zava-nisy tany aloha tany. Inona moa no nahatonga ilay anaran-tendrombohitra hoe “Mahafat” raha tsy ny teny Malagasy hoe “Mahafaty”? Ao amin’ny nosy rahavavy La Réunion anefa no misy an’izany toerana izany. Anarany isika mba isan’ireo tafala aloha indrindra tao anatin’ny vondrom-bola franc CFA izay natokana ho an’ireo zanatany frantsay aty afrika saingy moa ve izany nisy ozany taty amin’ny toekarentsika? Samy mahay mamaly izay fanontaniana izay daholo angamba! Mandeha ny fotoana ary maika ny fampandrosoana hoy ny filoham-pirenena. Tena marina io voalaza io. Isika rehetra, hono, no miara-manavotra an’i Madagasikara. Fanontaniana mipetraka anefa dia hoe afaka mandray anjara amin’ny fampadrosoana ve ny vahoaka raha toa ka tompon-trano mihono lava izao amin’ny fanapahan-kevitrao? Anjarany kosa amin’iny no miheritreritra.

J. Mirija

 <<Retour

 

Réagissez sur l'article - 0 réaction(s)

Hametraka fanamarihana

Captcha Recharger l'image

Copyright 2009 Tia Tanindrazana