Dans la mme rubrique

Tànana efa zatra mitsotra

25/03/2019

Ny fifidianana solombavambahoaka no tena hifantohan’ny saina ato ho ato. Somary ho takona ny toe-draharaha politika samihafa, fa hiompana bebe kokoa amin’io ny mason’ny rehetra.

Tànana efa zatra mitsotra

Hamaky ny tohiny...

Kimaizimaizina no lehibe indrindra

22/03/2019

Ny fitiavana no lehibe indrindra, hoy ilay teny ao anatin’ny soratra masina nentina natao fitaovana politika teto amin’ny firenena Malagasy.

Kimaizimaizina no lehibe indrindra

Hamaky ny tohiny...

Mila mailo dieny izao

21/03/2019

Tamin’ireny andro ireny nisy nofy nolokoana, nisy nofo nokoloana, nisy mofo notsakoina dia nilamina ny tany, hoy ny poeta iray izay. Miha mafy hatrany tokoa ny fiainana ary tsy misy izay tsy mitaraina momba izany ny olombelona rehetra eto ambonin’ny tany.

Mila mailo dieny izao

Hamaky ny tohiny...

Mbola henjana ny ady

20/03/2019

Nivoaka iny izany ny lisitry ny kandida afa-panadinana teo amin’ny dingana voalohany, ka ofisialy ny fahafaha-mandray anjara amin’ny fifidianana ho solombavambahoaka. Mbola manana fe-potoana hahafahana mameno ny fepetra ny hafa na izany aza.

Mbola henjana ny ady

Hamaky ny tohiny...

Lany fotoana

19/03/2019

Vola ny fotoana, hoy ry zareo japoney izay. Izany toetsaina izany no naha resy lahatra azy ireo tsy handanindany fahatany io fotoana io fa hamadika ny fotoanany ho vokatra hatrany.

Lany fotoana

Hamaky ny tohiny...

Mandady indray ny trambo

18/03/2019

Hivoaka amin’ny fomba ofisialy rahampitso 19 martsa ny lisitra ofisialin’ireo kandida hifaninana solombavambahoaka.

Mandady indray ny trambo

Hamaky ny tohiny...

Lasa bizina vaovao

15/03/2019

Tongotra mby an-dakana ny fifidianana depiote, ka miandry ny lisitra ofisialin’ireo mpifaninana aloha izany isika mianankavy.

Lasa bizina vaovao

Hamaky ny tohiny...


Edito

Alahelom-bahoaka no ilafihana !

11/01/2019

Fa inona ihany no tiana hahatongavana eto amin’ity firenena ity e ? Efa nanaiky sy nilefitra ny kandida an-kilany tamin’ny fifidianana, ary efa nitsodrano ilay ambara fa lany na azo iadian-kevitra aza ny fahalaniana.

 

 

 Tsy misy intsony eto ny fanajana ny soatoavina fa toa ny manaja tena indray no ezahina homena fanafintohinana sy hanaovana eson-teny. Ny fahefana azo dia efa fahefana milafika amin’ny alahelon’ny ampahana Malagasy tsy azo tsinontsinoavina raha eo amin’ny antontan’isa kanefa toa mbola miezaka manangam-pahavalo ihany. Tsodrano sy fandrantoana fihavanana no tokony hiseho, kanefa dia fihantsiana sy fanesoana no hataon’ny sasany akaiky ilay nampandresena, toy ilay mpanao gazety iray, izay nahasahy nilaza hoe: mirary soa ny filoha Marc Ravalomanana handeha hisotro ronono. Fa efa nisy niteny an’izany ve teto ? Moa tsy fanakaikezana ny vahoaka aza no nolazainy, ary hanao izay ho afany amin’ny fanampiana ny mpiara-belona na tsy ao anaty fahefana ? Asa lahy na tanana efa zatra mitsotra fa tena mahamenatra loatra ilay toe-tsaina mirefarefa amin’ny tany. Ny fanaratsiana amin’ny haino aman-jery dia tsy miato, fa sesilany hatrany ary toa te   hilaza hoe: izahay izao no eto amin’ny fahefana, ka izay tianay io. Asa ihany koa na mba havela hivalona hiaraka amin’ny tantara ny fanenjehana ireo tsy mitovy hevitra maromaro na hopotehina tanteraka. Tsy mba misy olona to teny sy mpandala ny fihavanana ve ao anaty ekipa ao ka mba hanitsy ny efa hita fa tsy mety e ? Ny tahaka ireny no manimba endrika ny fanjakana ka tokony hasintaka dieny aty am-piandohana, raha te hahita sitraka amin’ny vahoaka. Misy fetrany rahateo io fandeferana io, ary efa miandry sy mitazana ny vahoaka manomboka izao amin’izay fihetsika sy ny hafitsoky ny mpitondra vaovao, ka sao lahy ho tonga amin’ny fitenenana hoe: ny vava no tsy atao be, ny mamerina azy no sarotra. Raha io fahefana efa miorina amin’ny alahelon’ny ampahany betsaka amin’ny Malagasy io no mbola holaroina fihantsiana sy fananganam-pahavalo dia asa izay hiafarany. Teny atsipy ho an’ny manam-panahy, ka asa raha mbola misy ihany izany fanahy sy feon’ny fieritreretana izany na tsy misy intsony fa efa lafo e ?

Toky R

 

 <<Retour

 

Réagissez sur l'article - 0 réaction(s)

Hametraka fanamarihana

Captcha Recharger l'image

Copyright 2009 Tia Tanindrazana