Dans la mme rubrique

Miverina indray ny taloha !

18/01/2019

Hanana fahefana feno manomboka anio ireo mpitondra nanana ny tantarany tsy dia tsara tamin’ny firenena tany amin’ny 10 taona lasa.

Miverina indray ny taloha !

Hamaky ny tohiny...

Mila fisokafana !

17/01/2019

« Izao tontolo izao dia masoko sy sofiko avokoa », hoy ny Ombalahibemaso na ny mpanjaka Andrianampoinimerina.

Mila fisokafana !

Hamaky ny tohiny...

Aleo handeha hotazanina e !

16/01/2019

Maro izay fampanantenana natao izay. Tsy vitsy izay fampanofinofisana nakana ny fon’ny vahoaka izay.

Aleo handeha hotazanina e !

Hamaky ny tohiny...

Na samy resy na samy handresy !

15/01/2019

“Tsy resy akory ny resy raha noresen’ny mpampandresy fa ny tena mpandresy dia izay mahay resy raha toa ka tena resy”, hoy ilay mpandinika raharaham-pirenena iray izay.

Na samy resy na samy handresy !

Hamaky ny tohiny...

An-tsisin-tosy …

14/01/2019

Miteraka adihevitra goavana ho an’ny mpanara-baovao sy any anaty tambajotram-pifandraisana ara-tsosialy amin’izao ny momba ilay fianianan’ny filoha tsy hisy fotoam-pivavahana, tsy hisy fampiasana baiboly.

An-tsisin-tosy …

Hamaky ny tohiny...

Miandry fahagagana

12/01/2019

fito andro katroka sisa dia handray ny fahefany amin’ny fomba manetriketrika ny filoham-pirenena vaovao.

Miandry fahagagana

Hamaky ny tohiny...

Alahelom-bahoaka no ilafihana !

11/01/2019

Fa inona ihany no tiana hahatongavana eto amin’ity firenena ity e ? Efa nanaiky sy nilefitra ny kandida an-kilany tamin’ny fifidianana, ary efa nitsodrano ilay ambara fa lany na azo iadian-kevitra aza ny fahalaniana.

Alahelom-bahoaka no ilafihana !

Hamaky ny tohiny...


Edito

Tongava saina amin’izay e !

30/11/2018

Ny lasa tsy fanadino, hoy ilay fomba fitenintsika Malagasy. Andeha hampifandraisina hatrany amin’ny tantaram-pirenena tato anatin’ny folo na sivy taona teo ho eo ny zava-misy ara-politika ankehitriny.

 

 

Mitamberina ao an-tsain’izay mahatadidy avy hatrany angamba ny gidragidra niseho teto tamin’izany fotoana. Gidragidra tsy nifankahitana, ra mandriaka, savorovoro, fandrobana, fandorana fananan’olona,… no tsaroan’ny vahoaka noho ny fifanolanana niainga tamina olona miisa roa dia i Marc Ravalomanana sy Andry Rajoelina. Sivy taona aty aoriana isika izao, saingy mbola miverina amin’ireo ihany ny tantara satria samy tafiakatra hiatrika ny fihodinana faharoa amin’ny fifidianana filoham-pirenena. Samy nanana ny nataony teto amin’ny firenena fa ny olom-pirenena tsirairay no mila miezaka mamerina ny fahatsiarovana ary mampitaha sy manabe an’ireo zandry zanaka taty aoriana mikasika ny tantara marina nisy tamin’izany. Ny tsy azo lavina dia nisy ny fakana fahefana tsy tamim-pomba ara-demokratika teto, ary nanasokajian’ny sehatra iraisam-pirenena ireo nandroba fahefana ho mpanongam-panjakana. Na inona na inona aloha fanazavana hoentina, dia tsy mbola nisy angamba na iray aza hevitra sy porofo mazava hahafaha-milaza fa rariny sy nety ny fanonganam-panjakana sy famotehana tamin’ny 2009. Na ny mpitarika izany tamin’ny 2009, dia i Andry Rajoelina aza azo heverina ho te hikosoka ny tantara matoa milaza fa ny ho avy no tokony hobanjinina. Samy manao izay fomba handresen-dahatra ny mpifidy ny an-daniny sy ny an-kilany saingy tsikaritra ihany indraindray fa mandeha ny fanabadoana ny mpiray tanindrazana amin’ny fizaran-javatra tsy mahavita taona. Amin’ny fomba ahoana moa no hinoana fa tena hiady amin’ny asan-dahalo ny kandida iray kanefa izy no nanafoana didy tsy fahafahana manondrana omby any ivelany io ? Mikofokofoka ery amin’ny seho ivelany, toy ny ady amin’ny tsy fandriampahalemana ka mamory sokajin’olona samihafa hatramin’ny vahiny kanefa niaraha-nahita fa nirongatra anie ny dahalo, jiolahy taorian’ny 2009 e ! Mizarazara zavatra hambaboana ny rehetra, fa tsy nahalala akory ny Malagasy rehefa very fihinanana tao anatin’ny dimy taona. Tena aleo mba halefa lavitra ihany ny saina, fa tsy izay milaza hanao zavatra sy manao sehoseho ivelany akory dia hanao izay hahasoa ny firenena tokoa e ! Be ny fitaka ka aleo mailo.

Toky R

 

 <<Retour

 

Réagissez sur l'article - 0 réaction(s)

Hametraka fanamarihana

Captcha Recharger l'image

Copyright 2009 Tia Tanindrazana