Dans la mme rubrique

Aleo handeha hotazanina e !

16/01/2019

Maro izay fampanantenana natao izay. Tsy vitsy izay fampanofinofisana nakana ny fon’ny vahoaka izay.

Aleo handeha hotazanina e !

Hamaky ny tohiny...

Na samy resy na samy handresy !

15/01/2019

“Tsy resy akory ny resy raha noresen’ny mpampandresy fa ny tena mpandresy dia izay mahay resy raha toa ka tena resy”, hoy ilay mpandinika raharaham-pirenena iray izay.

Na samy resy na samy handresy !

Hamaky ny tohiny...

An-tsisin-tosy …

14/01/2019

Miteraka adihevitra goavana ho an’ny mpanara-baovao sy any anaty tambajotram-pifandraisana ara-tsosialy amin’izao ny momba ilay fianianan’ny filoha tsy hisy fotoam-pivavahana, tsy hisy fampiasana baiboly.

An-tsisin-tosy …

Hamaky ny tohiny...

Miandry fahagagana

12/01/2019

fito andro katroka sisa dia handray ny fahefany amin’ny fomba manetriketrika ny filoham-pirenena vaovao.

Miandry fahagagana

Hamaky ny tohiny...

Alahelom-bahoaka no ilafihana !

11/01/2019

Fa inona ihany no tiana hahatongavana eto amin’ity firenena ity e ? Efa nanaiky sy nilefitra ny kandida an-kilany tamin’ny fifidianana, ary efa nitsodrano ilay ambara fa lany na azo iadian-kevitra aza ny fahalaniana.

Alahelom-bahoaka no ilafihana !

Hamaky ny tohiny...

Mbola mitoetra ny ahiahy

10/01/2019

Mandritry ny herinandro raha kely indrindra, dia ny mikasika ny filoham-pirenena vaovao foana no resaka eny amin’ny fiarahamonina sy tambajotran-tserasera eny, raha politika no resahana.

Mbola mitoetra ny ahiahy

Hamaky ny tohiny...

Tsy folaka fa milefitra

09/01/2019

Nivoaka iny ny valim-pifidianana, ka na nisy aza ny fifanandrinana niainga tany amin’ny latsa-bato, ny fifanolanana tany amin’ny fitsarana avo momba ny lalàmpanorenana,…

Tsy folaka fa milefitra

Hamaky ny tohiny...


Edito

Fambara loza…

26/10/2018

Tsy finoanoam-poana fa tena mitombina tokoa ny voalazan’ny Baiboly amin’izao fotoana, raha hampifandraisina amin’ny tontolo politika sy ny fiainam-piarahamonina Malagasy ankehitriny.

 

 

Rehefa ny demonia no mitondra sy mandrisika dia misy ireto zavatra ireto foana matetika miseho. Ny faty olona : mba hanoherana ny didy hoe aza mamono olona, mba hanaovana sorona hiakarana avoavo, ary koa mba hampaloto ny lalao satria ny faty dia maloto raha ny Soratra masina no jerena. Ny lainga : mba entina hamitahana ny olona, hanoherana ny didy hoe aza mandainga, mba hamadihana ny marina ho diso ary hanamarinana ny diso sy meloka. Ny fanompoan-tsampy : mba hanoherana ny Avo Indrindra, hitaritana ny olona hivily tsy hanaraka ny Avo Indrindra, mba hahazoana ny fanjakana eto amin'izao tontolo izao ity. I Mamona na ny vola no sampy lehibe hampanompoana ny olona amin'izao fotoana izao, indrindra fa mandritra ny propagandy. Ny Fanandratan-tena : mba tsy hananan'ny olona mitarika na tarihina-fanetren-tena, ka tsy hanekeny ny fahadisoany fa mitady ny hevitra rehetra hanamarinan-tena, mba hanoherana  ny soratra masina milaza fa aza manandra-tena, mahaiza manetry tena ary aza manamarin-tena. Ny vokatr’izany rehetra izany dia, loza, ozona, fahavoazana, fahaverezana, ka mila fifohazam-panahy. Tsy hanonona ny anaran’iza na iza, ary tsy mitsaratsara fahatany, fa misy mpanao politika eto efa nanitsoka lalina ny firenena, efa nambotry an’i Madagasikara tamin’ny alalan’ny fanaovana tantely afa-drakotra ny harem-pirenena, kanefa dia mbola midingin-drambo hatrany e! Mbola mirehareha sy miriaria fa tompon’ny vola sy harena, hono, ka mahavidy vahoaka amin’ny fifidianana. Efa fambara loza ho an’ny firenena izao ary tsy atao mahagaga raha misy ny tsy fifampatokisana miteraka fisamatsamahana toy io fizaran-kevitra amin’ny hirosoana na tsia amin’ny fifidianana io. Ny tsy azo lavina dia efa nisy ny afo efa nandoro ny lamba, ka sao hidiran-doza eto indray noho ny tsy fiheverana kely jamban’ny sehoseho sy vola kely tsy mankaiza e! Soa kenda hahay hitsako, ary soa lavo hahay hamindra, fa raha amin’ity no mbola ho solafaka dia any an-davaky ny liona no hiafarana!

 

Toky R

 

 <<Retour

 

Réagissez sur l'article - 0 réaction(s)

Hametraka fanamarihana

Captcha Recharger l'image

Copyright 2009 Tia Tanindrazana