Dans la męme rubrique

Antenimieram-pirenena Malagasy Fa inona marina, ahoana ny fiasany ?

19/04/2019

Andrim-panjakana iray anisan’ny hiankinan’ny fiainam-pirenen’ity nosy misy antsika ity ny Antenimieram-pirenena Malagasy amin’ny ankapobeny. Rariny raha mba hofantarintsika olom-pirenena tsy an-kanavaka amin’izao ankatoky ny fifidianana solombavambahoaka izao ny tantaran’ny Antenimieram-pirenena Malagasy sy ny asany ary ny fomba firafiny sy fomba fiasan’izay depiote ho lany ao ary ny tombontsoa maro samihafa mety ho azo ao. Hisy ihany karazana fanehoan-kevitr’ireo depiote nahavita taom-piasana maromaro nifandimby tao. Farany, hotsiahivintsika etoana ny anaran’ireo filoha nifandimby nitantana an’ity Antenimieram-pirenena Malagasy ity hatramin’ny niandohany ka hatramin’ny taona 2018 teo.

Antenimieram-pirenena Malagasy Fa inona marina, ahoana ny fiasany ?

Hamaky ny tohiny...

Efa tena tany miady i Madagasikara Nahetsika ny miaramila

18/04/2019

Ny polisy (an-tanàn-dehibe) sy ny zandary (any ambanivohitra) no mitandro ny filaminana sy ny fandriampahalemana raha ny mahazatra. Ankehitriny anefa nahetsika an-tanàn-dehibe ary nalefa amina distrika maro ny miaramila izay manda farany amin’ny fiarovana ny firenena. Tranga izay toa mampiseho fa efa tany miady i Madagasikara.

Efa tena tany miady i Madagasikara Nahetsika ny miaramila

Hamaky ny tohiny...

Rivo Rakotovao Namaly bontana ireo te hanongana azy

18/04/2019

Maro no niandry sy nanongilan-tsofina nanaraka ny onjam-peon’ny Top Radio 102.8FM omaly na teto an-tanindrazana na hatrany ampitan-dRanomasina tamin’ny alalan’ny tranonkala https://www.radioking.com/radio/topradio-102-8?redirect nihaino ny fanehoan-kevitry ny filohan’ny Antenimierandoholona Rivo Rakotovao, ary filoha nasionalin’ny Antoko Hery Vaovao ho an’i Madagasikara (HVM) teo aloha omaly. Anisan’ny antoko mbola tanora ny HVM ny taonany izay 5 taona izao, fa nandray anjara feno tamin’ny fifidianana ben’ny tanàna, loholona, filoham-pirenena, ary manana ny paikadiny amin’izao fifidianana depiote izao.

Rivo Rakotovao Namaly bontana ireo te hanongana azy

Hamaky ny tohiny...

Andry Rajoelina Misy manipy hoditr’akondro

17/04/2019

Tena nanome sary ratsy ary nanimba an’i Hery Rajaonarimampianina ireo olona nanodidina azy (namana, mpanolontsaina, minisitra, depiote, mpiasam-panjakana ambony,…). Telo volana nitantanana ny firenena ny filoha ankehitriny Andry Rajoelina, fa toa efa tratran’io toe-javatra io sahady. Misy ireo akaiky azy tsikaritra fa efa manao fanararaotam-pahefana ary tena manambany olona, fa izy ireo izao no eo amin’ny fahefana. Vao nitondra herinandro vitsy dia toa efa nisy nisoloky hoe iraky ny filoha hanao hanao ny IEM.

Andry Rajoelina Misy manipy hoditr’akondro

Hamaky ny tohiny...

Fifidianana solombavambahoaka Ahiana hihamafy ny hosoka sy hala-bato…

17/04/2019

Manodidina ny 200 000 ny anarana niverimberina efa nodiovina tao anatin’ny lisi-pifidianana taorian’ny fifidianana filoham-pirenena, raha ny nambaran’ny teo anivon’ny CENI. Mbola nisy an’io 200 000 izany tamin’ny fifidianana filoha, izany hoe lisi-pifidianana tsy araka ny tokony ho izy sy azo nanaovana hosoka tsara no nampiasaina. Ny fanalana ireo anarana niverina no ambara mazava ho azy fa tsy nampitombo betsaka firy ny fitomboan’ny isan’ny mpifidy zara raha nisy 0,83% taorian’ny fisokafan’ny lisitra ny volana desambra, izay nikatona vonjimaika tamin’ny 15 febroary, ary ny 15 mey izany hoe: 12 andro aorian’ny fifidianana solombavambahoaka.

Fifidianana solombavambahoaka Ahiana hihamafy ny hosoka sy hala-bato…

Hamaky ny tohiny...

SeFaFi “Solombavambahoaka, inona marina no ilana azy ?”

17/04/2019

Namoaka fanambarana ny Sehatra Fanaraha-Maso Ny Fiainam-Pirenena (SEFAFI) mahakasika ny anton`ny ilana solombavambahoaka. Amin’ny 27 mey ho avy izao, ny olom-pirenena dia hifidy depiote 151 amin’ny kandidà 803 samy hafa. Ny and. 68 ao amin’ny Lalàm-panorenana dia milaza fa « Ny Antenimieram-pirenena sy ny Antenimierandoholona no mandrafitra ny Antenimiera. Izy no mandany ny lalàna sy manara-maso ny asan’ny governemanta ary ny fanaovana tombana ny politikam-panjakana ».

SeFaFi “Solombavambahoaka, inona marina no ilana azy ?”

Hamaky ny tohiny...

Fitantanana ny firenena Be loatra ny kitoatoa !

16/04/2019

Matoa voasokajy ao anatin’ny firenena dimy mahantra indrindra eto ambonin’ny tany ny firenena dia misy zavatra tsy manjary ao, indrindra fa ny fomba fitantanana ny firenena. Mahantra ny 90% mahery amin’ny Malagasy, saingy tsy tokony hohararaotina amin’izany sy hatao tompon-trano mihono satria tsy an’ny mpitondra irery ity firenena ity. Sesilany ny kitoatoa sy ny kimaizimaizina ankehitriny.

Fitantanana ny firenena Be loatra ny kitoatoa !

Hamaky ny tohiny...


Politique

Fampielezan-kevitra Mampiasa teny mampanonofy ny mpanao politika

09/07/2018

Nivoaka ny tetiandrom-pifidianana. Efa mipoitra tsikelikely ireo mikasa hirotsaka ary hanao tohivakana ny fanambarana mandra-pahatonga ny tena fotoana.

Ny sasany amin`ireo mpirotsaka dia mahalala tsara fa tsy ho lany mihitsy, kanefa mirotsaka ihany. Ny antony dia eo no mba fotoana ahafahany maneho ny heviny sy miandrandra isam-bato hoenti-miady varotra amin’izay tena mandresy eo, sitrany ahay mba mahazo seza, na dia iray fotsiny aza. Mampiasa teny mampanonofy ny mpanao politika toy ny hoe “ataontsika izatsy , alaintsika izaroa”. Somary hafakely mantsy ny fanaovana politika eto Afrika toy ny fampiasam-bola. Misy ihany koa ireo vahiny na teratany manao karazana fampiasam-bola amin`ny fifidianana. Am-bolana aty aloha dia efa mandeha ny kajikajy sy ny ketriketrika rehetra ny amin’ireo kandidà tsara toerana ka mety ho lany. Ireo kandidà ihany koa miezaka mandresy lahatra ary manao izay hampandry saina iretsy mpamatsy vola satria mila volabe ny firotsahan-kofidiana. Tsy dia miomana amin’izay anefa ireo antoko politika, satria na dia izay latsakemboka voafaritra aza tsy voaloan’ny mpikambana akory. Tsy maintsy misy ny fifanarahana mazava ny amin’izay seha-pihariana hanomezana azy ireo tombondahiny rahatrizay satria fampiasam-bola no ataony fa tsy asa fanasoavana velively. Tokony hiverina ny volany miaraka amin’ny tombony ary matetika moa tsy vola fotsiny no alefany avy any, fa eo koa ireo mpanolotsaina, izay manampy amin’ny paikady no manara-maso ny fandaniana. Raha ny eto Madagasikara dia mifandray tendro amin’ireo teratany frantsay manan-draharaha eto no tena sahy miditra amin’ny resaka toy itony. Mahafantatra tsara ny fizotry ny politika eto koa izy ireo sady tsy dia mananosarotra loatra eo amin’ny fanapahan-kevitra hanohana. Mila fitandremana anefa ny resa-bola amin’ny fifidianana, satria tsy vitan’ny mampidi-kizo ny kandidà fotsiny, fa tena mitondra ny firenena any amin’ny lalan-tsarotra sy tery mihitsy. Tsy vitan`ny torapo ny fampandrosoana satria toy ny tany Zimbabwe, naka ny tanin’ny fotsy hoditra ary nizara izany tamin’ny mainty hoditra i Mugabe saingy tsy nampandroso fa vao miha reraka ny firenena. Mila fahamailoana ihany rehefa eo ankatoky ny fifidianana satria paikady fampiasa hakana  ny vaton’ny mpifidy fotsiny io.


Marigny A.                                                          

 

 <<Retour

 

Réagissez sur l'article - 0 réaction(s)

Hametraka fanamarihana

Captcha Recharger l'image

Copyright 2009 Tia Tanindrazana