Fil d'actualités du 23/08/2019

  • 23/08/2019 - 15:30 : SOSIALY:nanao hetsika fanadiovana faobe sy fandaminana ny teny anivon’ny tsenan’i Namontana ny ben'ny tanàna Lalao Ravalomanan androany maraina.

  • 23/08/2019 - 15:00 : POLITIKA:Miantso ny rehetra ho tony ny CFM amin'ny fijoroan'ny antoko mpanohitra.

  • 23/08/2019 - 14:30 : TOAMASINA:Miketrika fitokonana ireo mpianatry ny oniversite ny Barika dimy noho ny falafosan'ny ofantrano sy ny tsy faneken'ny tompon'andraikitra ny hihaona amin'izy ireo.

  • 23/08/2019 - 14:00 : ASA SOA:Nanome ra maimaim-poana ho an’ireo mpiray tanindrazana amin’izy ireo ny Sampana Mpamonjy Voina ao amin'ny kaominina Antananarivo Renivohitra tetsy amin’ny tobiny Tsaralalàna ny andron’ny Zoma 23 Aogositra 2019.

  • 23/08/2019 - 12:00 : FANATANJAHAN-TENA:Efa manao fanazarantena aminy kianja any Maurice ny FOSA amizao,vonona tanteraka handavo an'ny Pamplemousse any aminy taniny izy ireo aminy match retour ity.

  • 23/08/2019 - 11:45 : ANTSAHAMANITRA:Nitrangana fanafihan-jiolahy teny Antsahamanitra ny maraina teo tokony tamin'ny 09 ora. Arakin'ny fampitam-baovao azo eto am-pelatananay dia fiara iray nitondra vola no narahana Jiolahy, namaly ireo mpitondra vola nampian'ireo polisy teny amin'ny manodidina. Vokany lavo ny bala ny jiolahy roa ary ny sisa tafatsoaka.

  • 23/08/2019 - 11:30 : ASA SOSIALY:Ho esorina izay mpandoto ny tanàna, hampiharina ny lalàna.Nisy ny fivoriana notarihin’ny sekretera jeneralin’ny kaominina Antananarivo renivohitra (CUA), Randriamasinoro Tahiry Ny Riana tao amin’ny lapan’ny tanàna Analakely androany maraina 23 aogositra, amin’ny lamina vaovao: fandaminana sy fanadiovana ny tanàna manerana ny boriborintany 6 eto Antananarivo Renivohitra.

  • 23/08/2019 - 10:30 : TSARASAOTRA IVATO:Misy andian'olona misikotra ny vato kely eny amin'ny sisin'arabe.

  • 23/08/2019 - 10:00 : FANDRIAM-PAHALEMANA:Mpangalatra moto RSZ no maty voafitry ny polisy teo amin'ny lalamby Ampefiloha io maraina io,efa tafaverina amin'ny tompony kosa ilay moto.

  • 23/08/2019 - 09:30 : TRANGAM-PIARAHAMONINA:Fiara 4x4 mitondra laharana takelaka mena no nandefa anjomara fanakisahana fiara omaly teny Ampefiloha be ny tafitohana ka naneho ny atezerany ka fantatra fa firan'ny Tale ny ministeran'ny fahasalamana ilay fiara ka nahazo fampitandremana avy anttrany ilay Tale.

Voir plus d'infos...

23/08/2019

Plus d'infos...

Plus d'infos...


Archive du 20190417

Misongadina

Andry Rajoelina Misy manipy hoditr’akondro

17/04/2019

Tena nanome sary ratsy ary nanimba an’i Hery Rajaonarimampianina ireo olona nanodidina azy (namana, mpanolontsaina, minisitra, depiote, mpiasam-panjakana ambony,…). Telo volana nitantanana ny firenena ny filoha ankehitriny Andry Rajoelina, fa toa efa tratran’io toe-javatra io sahady. Misy ireo akaiky azy tsikaritra fa efa manao fanararaotam-pahefana ary tena manambany olona, fa izy ireo izao no eo amin’ny fahefana. Vao nitondra herinandro vitsy dia toa efa nisy nisoloky hoe iraky ny filoha hanao hanao ny IEM.

Hamaky ny tohiny...

Politique

Fifidianana solombavambahoaka Ahiana hihamafy ny hosoka sy hala-bato…

17/04/2019

Manodidina ny 200 000 ny anarana niverimberina efa nodiovina tao anatin’ny lisi-pifidianana taorian’ny fifidianana filoham-pirenena, raha ny nambaran’ny teo anivon’ny CENI. Mbola nisy an’io 200 000 izany tamin’ny fifidianana filoha, izany hoe lisi-pifidianana tsy araka ny tokony ho izy sy azo nanaovana hosoka tsara no nampiasaina. Ny fanalana ireo anarana niverina no ambara mazava ho azy fa tsy nampitombo betsaka firy ny fitomboan’ny isan’ny mpifidy zara raha nisy 0,83% taorian’ny fisokafan’ny lisitra ny volana desambra, izay nikatona vonjimaika tamin’ny 15 febroary, ary ny 15 mey izany hoe: 12 andro aorian’ny fifidianana solombavambahoaka.

Hamaky ny tohiny...

SeFaFi “Solombavambahoaka, inona marina no ilana azy ?”

17/04/2019

Namoaka fanambarana ny Sehatra Fanaraha-Maso Ny Fiainam-Pirenena (SEFAFI) mahakasika ny anton`ny ilana solombavambahoaka. Amin’ny 27 mey ho avy izao, ny olom-pirenena dia hifidy depiote 151 amin’ny kandidà 803 samy hafa. Ny and. 68 ao amin’ny Lalàm-panorenana dia milaza fa « Ny Antenimieram-pirenena sy ny Antenimierandoholona no mandrafitra ny Antenimiera. Izy no mandany ny lalàna sy manara-maso ny asan’ny governemanta ary ny fanaovana tombana ny politikam-panjakana ».

Hamaky ny tohiny...

Edito

Fiandrianam-pirenena ahoana e ?

17/04/2019

Resahina sy ventesina ny resaka fiandrianam-pirenena eto Madagasikara, ka lohalaharana amin’io ny mpitondra fanjakana ankehitriny. Rehefa manonintohina ny tombotsoa politikan’ny mpitondra ny fihetsiky ny avy any ivelany dia ny hoe : tany manana ny fahaleovantenany sy ny fiandrianany i Madagasikara, ka aza hidinkidirana. Isan’ireny ilay raharaha toa mampifanolana ny Afrikanina Tatsimo sy ny Fanjakana Rajoelina, izay tsikaritra ezahina takona sy alamindamina amin’izao fotoana izao.

Hamaky ny tohiny...

Toekarena

Etona mangeja hafanana Tokony hidina ambanin’ny 14%

17/04/2019

Nanatanteraka atrikasa fiofanana mahakasika ny fandrefesana etona mangeja hafanana (gaz à effet de serre) tetsy amin’ny Hotely Colbert Antaninarenina ny Birao Nasionaly Mpandrindra ny REDD+ omaly talata 16 aprily. Haharita 3 andro izy io ary tanjona ny handinihana sy hifampizarana ny famolavolana ny tatitra mba ahafahana manatontosa ny fanamarinana ireo tarehimarika efa azo eo amin’ny sehatry ny ala, ny fiompiana ary ireo hafa manodidina ny etona mangeja hafanana.

Hamaky ny tohiny...

kolontsaina

Tantaram-pirenena Nahatety vanim-potoana maro i Michel Rakotobe

17/04/2019

Mampiranty ireo sary mifandraika amin`ny tantaram-pirenena etsy amin’ny CEMDLAC Analakely nanomboka omaly talata 16 aprily Rakotobe Michel. mpaka sary an-gazety sady arsivista. Manodidina ny 500 isa ireo sary ampirantiany hatramin`ny sabotsy 20 aprily ho avy izao. Tamin’ity indray mitoraka ity dia mifototra kokoa amin’ny fankalazana ny 29 martsa ny fampirantiana. Hita ao ireo sary sy lahatsoratra an-gazety nivoaka tamin’izany.

Hamaky ny tohiny...

Sosialy

Halatra taolam-paty Fisolokiana avo lenta ?

17/04/2019

Raha ny fanadihadiana azon’ny zandary hatramin’izay nahitana resaka halatra taolam-paty, mijanona ho fisolokiana avo lenta hatrany izany. «Ireo izay tratra dia tsy mahita ny mpandray ny taolam-paty izay heveriny ho entam-barotra. Ny atidoha mikotrika nampaniraka olon-kafa milaza fa misy mitady. Ilay voairaka mamoaka vola hividianana izany kinanjo tsy hita ilay tompon’ny ketrika fa efa azon’ilay nahitana ny taolam-paty ny vola ary ity farany dia mpiray tsikombakomba amin’ilay tena mpaniraka. Matetika ireo mpanera sy ireo mpanelanelana izay efa namoaka vola nefa tsy nahita mpividy no tra-tehaka, sady efa nividy lany vola no itobian’ny entam-barotra tsy ahitana mpandray ary voasambotr’ireo mpitandro filaminana. Dia ireny miahaka fotsiny ireny ny entana fa matahotra ny hosamborina ireo nividy tsy nahita mpividy”.

Hamaky ny tohiny...

Copyright 2009 Tia Tanindrazana