Dans la mme rubrique

Andron’ny Parlemantera tetsy Anosikely Nikorontana tanteraka

15/12/2017

Samy manana ny fomba fiheviny sy fiasany tokoa ireo olom-boafidy sy olom-boatendry eto amintsika. Raha nanatanteraka ny « Journée des Parlemantaires » tetsy amin’ny Lapan’Anosikely omaly alakamisy 14 desambra ireo senatera sy solombavambahoakan’i Madagasikara manatanteraka ny fivoriana ara-potoanany avy ankehitriny ka nandinika niaraka ny lohahevitra

Andron’ny Parlemantera tetsy Anosikely Nikorontana tanteraka

Hamaky ny tohiny...

Fitondrana HVM Te hifehy mafy ny serasera

14/12/2017

Mazava tsara ny tenin’ny minisitry ny serasera sy ny fifandraisana amin’ny andrim-panjakana Harry Laurent Rahajason omaly fa ny fitsarana no hanapa-kevitra farany momba ny

Fitondrana HVM Te hifehy mafy ny serasera

Hamaky ny tohiny...

AREMA –Fifidianana 2018 I Deba ihany no ho kandida ?

14/12/2017

Tao anatin’ny lanonana tsotra dia tsotra famaranana ny taom-piasana ho an’ny taona 2017 notarihan’ny sekretera nasionaliny,

AREMA –Fifidianana 2018 I Deba ihany no ho kandida ?

Hamaky ny tohiny...

Solonandrasana sy Jean Max R Manahiran-tsaina ny filoham-pirenena

14/12/2017

Raikitra ny fifanolanana sy ny fifandrahonana any an-dapa amin’izao fotoana. Antony ny fikatsahan’ny HVM handamina ny kajy politikany amin’ny alalan’ny fanoloana tompon’andraikitra ambony eto amin’ny firenena.

Solonandrasana sy Jean Max R Manahiran-tsaina ny filoham-pirenena

Hamaky ny tohiny...

Kandidà ben’ny tanàna lasa mpanolotsaina Manakorontana fotsiny

14/12/2017

Tonga saina tampoka ve sa tena efa nisaina ela izany tokoa ny praiminisitra sady minisitry ny atitany,

Kandidà ben’ny tanàna lasa mpanolotsaina Manakorontana fotsiny

Hamaky ny tohiny...

Fanambin-dRavalomanana “Hiasa avo 10 heny noho ny efa vitako aho”

13/12/2017

Tsy mila resabe isika fa mila asa, hoy ny filoham-pirenena teo aloha no sady filohan’ny antoko Tiako i Madagasikara, Marc Ravalomanana omaly raha nandray fitenenana nandritry ny fankalazana ny faha 68 taona nahaterahany tetsy amin’ny Magro Tanjombato.

Fanambin-dRavalomanana “Hiasa avo 10 heny noho ny efa vitako aho”

Hamaky ny tohiny...

Kabarin’i Marc Ravalomanana teny amin’ny Magro Tanjombato Hoy izy ireo :

13/12/2017

Rakotomandimby Jean Pierre (Ben’ny tanànan’i Soanindrariny Antsirabe II) “Tena ilain’ny firenena ireny tenin’ny filoha Ravalomanana rehetra teo ireny ary hombako manana ny fitsipika tokony hitondrana ny firenena ka iainana miainga avy any ambony mipaka aty amin’ny vahoaka.

Kabarin’i Marc Ravalomanana teny amin’ny Magro Tanjombato Hoy izy ireo :

Hamaky ny tohiny...


Politique

Hambom-po politikan’ny HVM Hilalaovana ny fiainam-bahoaka…

06/12/2017

Tsy misy zavatra mandeha amin’ny laoniny intsony eto amin’ny firenena fa variana manao kajy politika sy miady an-trano ny HVM ka dia io iaraha-mahita io ny zava-misy.

  Ny asan-jiolahy sy asan-dahalo mandeha foana, ny vidin-tsolika miakatra, ny vidim-bary midangana, ny vidin’entana amin’ny ankapobeny miakatra andro aman’alina. Miandry vahoaka hivazavaza sy tezitra vao mody mihetsika sy mandray andraikitra. Raha ny vidim-bary, efa tany amin’ny hain-tany mahatsiravina sy loza voajanahary samihafa am-bolana maro izay no efa fantatra fa hitotongana ny famokarana, saingy toa fady tamin’ny HVM ny handray andraikitra fa aty afara efa manomboka mitroatra ny olona vao mamono afo sy milaza fa efa mitady vahaolana. Hiaraha-mitazana eo indray aloha na mba hisy fiantraikany mivantana amin’ny vahoaka indray ny fampanantenana natao na ho poakaty toy ny mahazatra.

 

Raikitra ny ady mangatsiaka

 

Ambinambin-javatra ihany ny famahana ny olam-bahoaka, fa ny kajy handresena amin’ny fifidianana izao no mahamaika, ka na ny samy HVM aza efa tsy mifampatoky sy mifampiandry an-kendritohana. Toa efa mifanipaka toy ny valala an-karona, ary samy miezaka miaro ny rambony tsy ho tapaka. Re fa misy ady mangatsiaka eo amin’ny praiminisitra Mahafaly Olivier sy ny filohan’ny antenimierandoholona Rivo Rakotovao. Malaza fa hoesorina amin’ity volana desambra ity ny praiminisitra, saingy manangam-bovona sy mitady fiarovan-tena mafy, toy ny nampakarana ho avo roa heny ny tambin-karaman’ny mpiasan’ny primatiora mba hijoroan’izy ireo hiaro azy. Miezaka mampiseho ny eo anivon’ny primatiora fa matanjaka sy mahery ary tsy matahotra na iza na iza. Mitana ny sain’ny maro, ohatra, ny fijoroan’i Paolo Emilio Raholinarivo mpanolotsain’ny praiminisitra milaza ny hamongotra ireo jiolahy sy mpanao afera mialokaloka ao anatin’ny fitondrana. Toa tsy mbola nandrenesam-peo firy kosa izy manoloana ny vaovao isan-tsokajiny efa nandeha fa tsy afa-miala amin’ny raharaha kolikoly goavana mikasika an’i Claudine Razaimamonjy ny praiminisitra sady minisitry ny Atitany. Lojika ny fiarovany ny lehibeny ao amin’ny primatiora, saingy mandady ihany koa ny trambo ho an’ny praiminisitra, izay harovany fatratra. Miezaka manadio ny ao anatiny mantsy ny HVM, izay i Rivo Rakotovao hatrany aloha ny mpandrindra nasionaliny, ka re fa anisan’ny kendrena hadaraboka hiala amin’ny toerany i Solonandrasana Mahafaly. Mitady hirika hanadiovan-tena amin’ny tsy fahombiazana amina tompon’andraikitra ambony vitsivitsy, izay hatao sorona ny HVM. Efa miedinedina eraky ny tanàna ho mafy sy henjana ary mbola tompon’ny teny farany amin’ny fanapahan-kevitra eto amin’ny firenena kosa i Rivo Rakotovao, ka maro no tsy faly aminy ary misy ny mihorohoro hiala amin’ny sezany. Raha ny tsapan-kevitra tsotsotra natao anefa dia tena nandiso fanantenana ny mpifidy i Hery Rajaonarimampianina sy ny ekipany ka tsy hahazo ny vaton’ny olona azony tamin’ny 2013 intsony amin’ny 2018, raha tsy hoe hampiasa paikady hafahafa angamba.


 

Toky R

 

 <<Retour

 

Réagissez sur l'article - 0 réaction(s)

Hametraka fanamarihana

Captcha Recharger l'image

Copyright 2009 Tia Tanindrazana