Dans la mme rubrique

Marc Ravalomanana “Be loatra ny tsy mety sy ny alahelom-bahoaka…”

29/05/2020

Nijery ifotony ny fanamboarana eny amin’ny Rova i Marc Ravalomanana omaly maraina ary nanao fandaharana manokana ny hariva.

Marc Ravalomanana “Be loatra ny tsy mety sy ny alahelom-bahoaka…”

Hamaky ny tohiny...

Riribe “Ady angamba no tadiavin’ny fitondrana”

29/05/2020

Tsy mitsipaka ny ady ataon’ny fanjakana amin’ny Covid 19 izahay, hoy ny kandida ho solombavambahoaka teo aloha sady solontenan’ny zanak’I Toamasina, Henry Rakotomalala na Riribe, omaly.

Riribe “Ady angamba no tadiavin’ny fitondrana”

Hamaky ny tohiny...

Vatovavy Fitovinany Hafanafana ny fiandrasana ny fizaram-paritra

29/05/2020

Efa fampanantenana nataon'ny filoham-pirenena nandritra ny fampielezan-kevitra nataony ary efa nifampiresaha nivantana tamin'ireo Tangalamena sy Olobe taty an-toerana,

Vatovavy Fitovinany Hafanafana ny fiandrasana ny fizaram-paritra

Hamaky ny tohiny...

Jeneraly Richard Ravalomanana Takian’ireo depiote ny fanesorana azy

29/05/2020

Nanao tatitra mahakasika ny asany nanoloana ireo solombavambahoaka ireo Tompon’andraikitra ambony ao amin’ny governemanta miantsoroka ny fandriampahalemana omaly.

Jeneraly Richard Ravalomanana Takian’ireo depiote ny fanesorana azy

Hamaky ny tohiny...

Resaka Rova sy tsindrona amin’ny Covid 19 Miantso fifanatonana sy fifampidinihana ny CFM

29/05/2020

Manana ny andraikiny voafaritry ny lalana ny filankevitry ny fampihavanana malagasy na CFM. Voafaritra ao amin’ny 2016 – 027 fa miandraikitra ny mba tsy hisian’ny korontana eto amin’ny firenena izahay, hoy ny filohany, Maka Alphonse.

Resaka Rova sy tsindrona amin’ny Covid 19 Miantso fifanatonana sy fifampidinihana ny CFM

Hamaky ny tohiny...

Marc Ravalomanana Hanao fanambarana anio

28/05/2020

“Hitafa aminareo mpiray tanindrazana aho. Ny alakamisy 28 mey 2020 no fotoanantsika”, hoy ny hafatra nataon’i Marc Ravalomanana tao amin’ny pejiny manokana ao amin’ny tambajotran-tserasera.

Marc Ravalomanana Hanao fanambarana anio

Hamaky ny tohiny...

Sata mifehy ny mpanohitra “Tokony hiezaka ny parlemanta roa tonta”

28/05/2020

Ny sata mifehy ny mpanohitra sy ny hijoroana mpanohitra ara-pomba demokratika dia efa voalazan’ny lalam-panorenana. Efa nisy dingana goavana nametrahana azy io ny taona 2011, hoy ny mpahay lalàna, Ranesa Firiana, nanazava ny fahitany ny mampitarazoka ny raharaha ankehitriny.

Sata mifehy ny mpanohitra “Tokony hiezaka ny parlemanta roa tonta”

Hamaky ny tohiny...


Politique

Fanirisoa Ernaivo Nanazava ny teknikan’ny hala-bato natao teto

06/03/2020

Amin’ny tsy maha eto an-tanindrazana azy dia tamin’ny alalan’ny tambajotran-tserasera facebook Rtoa Fanirisoa Ernaivo no nilaza ny heviny momba ny olana amin’ny ilay resaka

 

 

« doublon » kara-panondro. Manizingizina ity mpitsara ity fa tena misy akony amin’ny voka-pifidianana ny tsy fetezana na eo amin’ny lisi-pifidianana na eo amin’ny kara-panondro.Marihana fa 1 270 000 mahery ireo nambaran’ny CENI fa tsy fetezana momba ny kara-panondro ho an’ny olona voasoratra narana tao anaty lisi-pifidianana

 

Kara-panondro tsy nisy

Mila iverenana kely ny zava-nitranga , hoy i Fanirisoa Ernaivo ba hampazava tsara ny resaka.Nisy ny olana teo amin’ny fanaovana kara-panondro teto Madagasikara ny volana jona sy jolay 2018  fa hoe lany ny « imprimé ». Distrika maro manerana ny nosy no tratran’io indrindra fa ny teto Antananarivo Renivohitra. Nomena taratasy fanamarinana ny maha olom-pirenena azy fotsiny aloha na ilay antsoina hoe « certificat administratif » tamin’izany fotoana izay olona nangataka. Nisy koa ireo nasaina nanavao ny « déclaration de perte » na fanambarana fahaverezana. Taty amin’ny 21 aogositra 2018 no nivoaka ny vaovao fa efa tonga ireo « imprimé » . Taratasy manodidina ny 11 taonina izay ampiasaina mandritra ny 4 taona no nohafaran’ny fanjakana Malagasy hanaovana izany karapanondro izany tamin’izany fotoana.

Mpifidy nanjavona, anarana niovaova

Tsara ho marihana fa efa fotoana ela mialohan’izay no nikatona ny fanavaozana ny lisi-pifidianana (15 mey 2018) ; saingy ny olana nitranga tamina faritra maro manerana ny nosy dia ny hoe olona 5 ampy taona ary tokony hifidy miara-monina ao amina tokantrano iray no voasoratra tamin’ilay taratasy « rencensement »  nataon’ireo agents electoraux an’ny CENI ; rehefa nojerena anefa ny lisi-pifidianana lasa olona  3 sisa no ao fa tsy tafiditra ny olona 2. Misy aza mpivady izao, samy nameno ilay taratasy fanisana ny mpifidy, mihintsana tampoka izao ny anaran’ny iray. Tao no misy mampiahiahy ary tena niavian’ny hosoka, raha ny fanazavan’i Fanirisoa Ernaivo. Zavatra mety no niainga teny amin’ny fokontany fa rehefa tonga ny fampidirana ny anaran’ny mpifidy tao anaty solosaina teny amin’ny CENI dia nisy ireo latsaka na fanahy iniana nesorina tsotra izao , hoy izy. Ny anarana olona iray no ovaina im-betsaka fa ny laharana kara-panondro iray ihany.Nanome ohatra izy : Anarana tena izy : FANIRISOA Ernaivo ; ireo anarana novaovaina isan-karazany : FANIRY SOA Ernaivo, ERNAIVO Faniry Soa, HERINAIVO Fanirisoa, HERY NAIVO Fanirisoa…Izany hoe ny olona iray mety lasa olona 3 na 4, misy aza tonga 8 mihitsy araka ny filazany. Efa nilaza ny momba io tsy fetezana io teny amin’ny CENI ny « Collectif des candidats » tamin’ireny fifidianana filoham-pirenena ireny, saingy nihodinkodina ny valin-tenin’ny CENI ary tena nody fanina mihitsy aza izy ireo , hoy i Fanirisoa Ernaivo.

 

Tranga mampiahiahy

Notanterahana ny 7 novambra 2018 ny fihodinana voalohany tamin’ny fifidianana filoham-pirenena; andro vitsy taorian’io ny 13 novambra 2018 no nahitana kara-panondro 82 isa teny ambany tetezan’i Tanjombato. Rehefa nohamarinina dia ny 4 tamin’ireo ihany no ana mponina eny Tanjombato. Ny 16 desambra 2018 izany hoe 2 andro mialoha ny fihodinana faharoa tamin’ny fifidianana filoham-pirenena dia nampiantso mpanao gazety maika ny talen’ny Imprimerie Nationale tamin’izany fotoana Atoa Randriamboavonjy Jean Angelson fa misy kara-pifidianana sy kara-panondrom-pirenena tsy izy na hosoka izay tsy natontan’ny Imprimerie Nationale mivezivezy erak’i Madagasikara. Nesorina tamin’ny toerany moa avy eo ity tale ity.

 

Paikadin’ny halabato

Raha ny filazan-dRamatoa Fanirisoa Ernaivo azy dia tahaka izao manaraka izao ilay paikady nampiasaina hanatanterahana ny hala-bato: nisy mpifidy tokony ho ao anaty lisi-pifidianana manana kara-panondro mazava tsara noesorina tsotra izao tao, ka nosoloina olon-kafa maromaro,,dia eo no miditra ilay resaka tery ambony hoe atao miovaova ilay anarana fa ny laharan’ny kara-panondro mitovy ihany. Ny efa tsy ao anaty lisi-pifidianana dia mazava ny ambaran’ny lalàna fa tsy afaka mifidy. Ny voasoratra ao anaty lisi-pifidianana, na tsy nahazo karatry ny mpifidy aza dia afaka mifidy fa kosa tsy maintsy mampiseho kara-panondro na pasipaoro.Teo no heverina fa niditra an-tsehatra amin’izay ireo olona marobe nanao kara-panondro maimaika.

Tsy mahazo ny fon’ny vahoaka

Efa nanambara ny vokatra ofisialy moa ny fitsarana avo momba ny lalampanorenana (HCC), herintaona aty aoriana anefa izao miha mipongatra ny afera maizina momba ny fifidianana, karapanondro, sy lisi-pifidianana .Azo antoka fa tsy hiverina amin’ny fanapahan-keviny ny HCC saingy izao iaraha-mahita izao kosa fa sahirana ny mpitondra ankehitriny. Toa ny olana no betsaka noho ny vahaolana ary mikatso ny asa. Tsy marisika firy hifanome tanana amin’ny fitondram-panjakana ny olona fa toa samy maka ho azy; ny mpamatsy vola mody fanina. Tsotra ny antony : efa samy mahafantatra fa lany tamina fifidianana mampiahiahy ny mpitondra ankehitriny, ka asa izay ho tohin’ity tantara ity !

RTT 

 <<Retour

 

Réagissez sur l'article - 0 réaction(s)

Hametraka fanamarihana

Captcha Recharger l'image

Copyright 2009 Tia Tanindrazana