Dans la męme rubrique

Raopilanina 5, angidimby 4, fiara 134… Novidiana tamin’ny vola avy aiza ?

25/06/2019

Zary efa maty izany tafika ana habakabaka Malagasy izany satria tena tsy misy fitaovana intsony.

Raopilanina 5, angidimby 4, fiara 134… Novidiana tamin’ny vola avy aiza ?

Hamaky ny tohiny...

Andry Rajoelina Voafatotry ny aferan’ny tetezamita

25/06/2019

Miezaka ny filoha fa mbola mifoha hatrany ny ampamoaka mahakasika ny fitantanany tamin’ny andron’ny tetezamita.

Andry Rajoelina Voafatotry ny aferan’ny tetezamita

Hamaky ny tohiny...

Praiminisitra Ntsay Christian Manamafy ireo fiaraha-miombon’antoka

25/06/2019

Nampiantso atrikasa handraisana fanapahan-kevitra momba ireo laharam-pahamehana amin’ny andiany faharoa amin’ny fampiasana ny famatsiam-bola avy amin’ny Firenena Mikambana ho fanamafisana ny filaminana sy ny fandriampahalemanana eto Madagasikara ny Komity mpitantana izany, notarihin’ny Praiminisitra Ntsay Christian sy Rtoa Violette Kakyomya,

Praiminisitra Ntsay Christian Manamafy ireo fiaraha-miombon’antoka

Hamaky ny tohiny...

Kaominina Ivato Betsaka ny asa vitan’ny Ben’ny tanàna ary mbola hotohizana

25/06/2019

Nivoaka tamin’ny fahanginany i Penjy Randrianarisoa Ben’ny tanànan’Ivato omaly manoloana ireo zava-bitany tao anatin’ny efa-taona nitondrany ny kaominina Ivato.

Kaominina Ivato Betsaka ny asa vitan’ny Ben’ny tanàna ary mbola hotohizana

Hamaky ny tohiny...

Antenimieram-pirenena Mbola baraingo ny ho mpanohitra

24/06/2019

Araka ny vokatra vonjimaika avy amin`ny CENI, ny vondrona politika manohana ny filoham-pirenena no nahazo ny maro an`isa.

Antenimieram-pirenena Mbola baraingo ny ho mpanohitra

Hamaky ny tohiny...

Fankalazana ny fetim-pirenena Naverina ny kermesin’ny Tafika

24/06/2019

Tany amin` ny Repoblika voalohany no nisy farany ny kermesin`ny Tafika Malagasy teny Betongolo karakarain'ny Foloalindahy teto amintsika noho ny antony fandriampahalemana.

Fankalazana ny fetim-pirenena Naverina ny kermesin’ny Tafika

Hamaky ny tohiny...

Marc Ramiaranjatovo Mbola hilatsaka hofidiana ho Ben’ny tanàna

24/06/2019

Ny fanomanana ny fifidianana Ben’ny tanàna indray izao no malaza eto amintsika. Ho an’ny kaominina Alasora, distrikan’Antananarivo Avaradrano manokana dia fantatra fa mbola hilatsaka hofidiana Atoa Marc Ramiaranjatovo hahafahany manohy ireo asa tsy vita ao anatin’ity kaominina iadidiany ity.

Marc Ramiaranjatovo Mbola hilatsaka hofidiana ho Ben’ny tanàna

Hamaky ny tohiny...


Politique

Andry Rajoelina Ny olony ihany no hisompatra azy…

01/04/2019

Tsy araka ny hafainganam-pandehan`ny lamasinina TGV ny fandehan`ny fanendrena mpiasam-panjakana ambony toy ny sekretera jeneraly, tale jeneraly, tale maro samihafa.

 Toa mandeha miadana  toy ny sokatra. Inona no antony ? Raha tsiahivina, ny fanendrena ny praiminisitra sy ireo mpikambana nandritra ny governemanta dia vetivety satria ny ampitson`ny fianianan`ny filoha vaovao izany dia vita. Mifanohitra amin`izay anefa ny fanendrena an`ireo mpiasam-panjakana ambony ka manaratsy ny endriky ny fitondrana. Amin`izao, maro ireo minisitera no tsy mandeha amin`izay laoniny ny fampandehanan-draharaha anatiny, noho ny tsy fisian`ny mpitantana mazava. Ankoatra izay dia eo ny fampiatoana ireo mpiasam-panjakana tsy raikitra (ECD) izay tsy mbola nisitraka ny karamany nanomboka ny volana janoary 2019. Araka ny loharanom-baovao voaray, olon-kafa mihitsy no mitantana ny firenena ary izy ireo no mitsinjara ireo mpiasam-panjakana ambony ho fanomanana sahady ny fametrahana olona ho kandidà filoham-pirenena afaka dimy taona. Izy ireo, noho izany, no mametraka ny olony manerana ny minisitera. Raha toa manolotra anarana 5 na 6 ho mpiasam-panjakana ambony ny minisitra iray dia tsy tanteraka izany. Amin`ny ankapobeny, iray ihany no voatazona fa ny sisa dia io olona mikasa hirotsaka hofidiana amin`ny fifidianana filoham-pirenena manaraka io no manendry azy. Ny loza, hoy hatrany ity loharanom-baovao ity dia misy anarana efa voadinika sy ekena mandritra ny filankevitry ny minisitra saingy tsy voarakitra ao anatin`ny fampitam-baovao ofisialy. Olana iray ihany koa, misy kandidà sasany te hiditra ho mpiasam-panjakana ambony, fantatra amin`ny fahaiza-manaony sady mahafehy ny fitantanana asam-panjakana dia voailika tsotra izao. Raha anontaniana ny anton`ny fandavana dia tsy misy fanazavana azo. Raha izao aloha no mitohy dia tsy hisy asa vanona eo anivon`ny minisitera ary hizaka izany ny vahoaka Malagasy. Tsiahivina hatrany fa tsirihina isaky ny enim-bolana ny asa vitan`ny minisitra tsirairay avy. Sarotra inoana anefa raha hisy tatitra ho vita. Tatitra momba ny inona moa no ataon`ny minisitra iray raha sady tsy tafapetraka ny ekipany no tsy mahazo famatsiam-bola hiasana ny minisitera tantanany ? Raha izao aloha no mitohy ho maro no ho diso fanantenana amin`i Andry Rajoelina. Efa misy manomana sahady izany fa haka ny toerany afaka dimy taona.

Marigny A.

 <<Retour

 

Réagissez sur l'article - 0 réaction(s)

Hametraka fanamarihana

Captcha Recharger l'image

Copyright 2009 Tia Tanindrazana