Dans la mme rubrique

Masoandro tsy miposaka

25/06/2019

Rahampitso no hankalazaina ny tsingerintaona faha-59 niverenan’ny fahaleovantenan’i Madagasikara, 26 jona voalohany amin’ny maha filohan’ny Repoblika voafidim-bahoaka an’i Andry Rajoelina ihany koa io.

Masoandro tsy miposaka

Hamaky ny tohiny...

Fientanam-po hafa mihitsy !

24/06/2019

Rivotra hafa mihitsy no iainan’ny Malagasy amin’izao fotoana izao eo anatrehan’ny fiatrehantsika ny dingana famaranan’ny fiadiana ny amboaran’i Afrika eo amin’ny taranja baolina kitra na ny “CAN 2019”, izay sambany teo amin’ny tantara.

Fientanam-po hafa mihitsy !

Hamaky ny tohiny...

Manabado vahoaka hatrany

21/06/2019

Hafa ny resaka sy ny serasera mipoapoaka ary hafa ny asa sy fikaroham-bahaolana ho an’ny firenena.

Manabado vahoaka hatrany

Hamaky ny tohiny...

Edito Mandroso mihemotra

20/06/2019

Mandroso mihemotra ny fanapahan-kevitry ny fitondrana ankehitriny. Zava-misy hita sy ren’ny mpanara-baovao rehetra io fa tsy foronina akory.

Edito Mandroso mihemotra

Hamaky ny tohiny...

Tsy manan-kambo !

19/06/2019

Hisy avy amin’ny tafika Frantsay hanao matso eny Mahamasina amin’ny 26 jona.

Tsy manan-kambo !

Hamaky ny tohiny...

Edito Inona indray no kajy ?

18/06/2019

Tontosa indray aloha iny ny fanambarana ny voka-pifidianana tsy ofisialy fanindroany nataon’ny vaomiera misahana izany na ny CENI.

Edito Inona indray no kajy ?

Hamaky ny tohiny...

Ny omaly tsy miova !

17/06/2019

Nivoaka ny valim-pifidianana ofisialy vonjimaika. Afa-bela izany ny CENI. Asa aloha na hampiova zavatra ny fitoriana samihafa eny am-pelatanan’ny Fitsarana avo momba ny lalàmpanorenana.

Ny omaly tsy miova !

Hamaky ny tohiny...


Edito

Mandady indray ny trambo

18/03/2019

Hivoaka amin’ny fomba ofisialy rahampitso 19 martsa ny lisitra ofisialin’ireo kandida hifaninana solombavambahoaka.

 Ho avy tsy ho ela izany hazakazaky ny fampielezan-kevitra ho enti-mambabo ny fom-bahoaka. Toa mitamberina indray ny zava-nisy tany amin’ny fifidianana filoha. Tonga ny vary mora, izay inoana fa tsy fifandrifian-javatra fa efa vita kajikajy. Mandeha ny fampanantenana fanaon’ilay filoha, toy ny tany Toamasina omaly fa hatomboka ny lalam-be migodana na ny “autoroute” mampitohy an’i Toliara-Antsiranana  sy Antananarivo-Toamasina,… Mirarakopana hatrany ny fampanantenana ka hivavahana mba ho tsy fampanantenana poak’aty intsony e! Ny tànana efa zatra mitsotra tokoa angamba tsy afaka hiforitra intsony, fa dia re siosio manangasanga any indray ny teti-dratsy amin’ny fifidianana. Mandeha, ohatra, ny resaka fa karapanondro iray alina isa mifandraika amina lisi-pifidianana efa vita kajikajy no kotrehina kandida hangalaram-bato eny amin’ny boriborintany faharoa eto Antananarivo. Mandady indray ny trambo amin’ny karazana teti-dratsy samihafa satria heverina fa efa tafapaka ao an-tsain’ny maro ny don-tandroka samihafa, ka milefitra mora foana eo anatrehan’ny halatra sy ny hosoka samihafa. Efa manomboka mandeha anefa ny ritsoka fa tsy folaka fa nandefitra ny rehetra teo anatrehan’ireny. Tsy te hipetraka ho olana ho an’ny firenena, ka nandefitra nanana ny rariny. Izay no mbola tadiavina hararaotina indray amin’io fifidianana solombavambahoaka io satria mihevitra ireo efa zatra ny làlan-dririnina fa efa adinon’ny olona ny teti-dratsy tamin’ny fifidianana filoha farany teo. Misy fetrany anefa ny zava-drehetra, hoy ny fitenenana, ka sao ahitan-doza ny mbola finiavana hampanjaka ny hosoka sy ny teti-panorona mamohehitra. Anjaran’ny vahoaka no misaina sy mandinika, ka hahay mifidy olona tena hisolo tena azy hampisy fifandanjan-kery ara-politika eto. Ho loza raha olona mbola hobaikoana hananga-tànana sy hanohana be fahatany ny mpitondra mpanatanteraka no hapetraka eo. Mila olom-boafidy hanara-maso amin’ny tsy mety sy hanozongona ny fanjakana mba hanitsiany ny diany, na handrodana azy mihitsy raha ilaina eo anatrehan’ny mety famadihana tanindrazana! Mila fandraisan’andraikitra ny vahoaka mba tsy hataon’ny sasany toy ny fananana maty tompo ity Madagasikarantsika ity e!

Toky R

 

 <<Retour

 

Réagissez sur l'article - 0 réaction(s)

Hametraka fanamarihana

Captcha Recharger l'image

Copyright 2009 Tia Tanindrazana