/* Google reCaptcha JS */

Fil d'actualités du 27/05/2017

  • 27/05/2017 - 09:00 : Fakana an-keriny: Mitaky volabe hatrany amin'ny 1 000 000 Euros ireo naka an-keriny ilay Karana Yanish Ismael, zanaky ny mpandraharaha tompon'ny La City eny Ivandry. Tsy fantatra hatramin'izao ny toerana misy io zanaka karana io ary tsy mbola nisy ny fitoriana napetraky ny fianakaviana noho ny tahotra ireo mpaka an-keriny.

  • 26/05/2017 - 16:00 : Fanatanjahantena _Taranja Tennis: Miisa ireo kandida hofidiana ho filohan'ny federasionina (FMT) hatao ny 3 mey izao eny amin'ny Lapan'ny fanatanjahantena Mahamasina, ka ireto avy izy ireo: Stphane Rakotondrainibe (Filohan'ny Federasionina 2010-2012); MananIala Andriamalala (Talen'ny informatika eo anivon'ny CNAPS) ary Vincent Razafindratsimba.

  • 26/05/2017 - 14:45 : YALI Madagascar _Torollana ho an'ny fitadiavana asa: Hisy ny hetsika antsoina hoe "DAY OF SHARING AND SOLIDARITY" eny amin'ny CCIA Antaninarenina rahapitso 27 mey amin'ny 8 ora 30 maraina ka hatramin'ny 4 ora 30 hariva. Isan'ny hampianarina amin'izany ny Teknika fitadiavana asa, Fizarana traikefa, Famatsiam-boala sy fiaraha-miobon'antoka,...

  • 26/05/2017 - 14:15 : Fifidianana solombavambahoaka Frantsay : Manasa ireo mpifidy Frantsay eto Madagasikara hifamotoana sy hihaona aminy eny aminny Caf de la Gare Soarano ny kandidanny hetsika En Marche Amlia Lakrafi ho anny faritra Afrika Moyen-Orient nyalatsinainy 29 mey aminny 7 ora hariva. Androany dia Antsirabe no tsidihin'ity kandida ity ka ao amin'ny Rsidence des Hauts Plateaux izy no hifamotoana amin'ny mpifidy amin'ny 5 ora sy sasany hariva.

  • 26/05/2017 - 13:45 : Fizahantany _ITM andiany faha-6 : Hatao eny aminny tanna Voara eny Andohatapenaka ny 8 jona ka hatraminny 11 jona ny andiany faha-6 aminny Foara Iraisam-pirenena mikasika ny fizahantany na ny ITM. Mpandraharaha an-jatony no hasaina ho avy eto ankoatra ireo mpanao gazety maro be. Hasaina manokana hitsidika anI Madagasikara ny vahiny mialohanny hanatrehany ny ITM eto an-dRenivohitra. Hatrany amin'ny 400 000 ny mpizahatany kendrena hitsidika an'i Madagasikara.

  • 26/05/2017 - 13:15 : Fanondranana zava-mahadomelina: Miakatra fitsarana anio ireo vehivavy 2 sy Afrikanina 4 tompon'antoka tamin'ny resaka fanondranana herone 495g sarona teny Ivato ny 17 mey teo. Saika halefa tany Canada io zava-mahadomelina io.

  • 26/05/2017 - 12:45 : Antoko Tiako i Madagasikara: Nosokafana androany atrikasa momba momba ny hiatarika sy hifanomezam-baovao eo anivon'ny TIM, ka mitarika izany ny filoham-pirenena teo aloha Marc Ravalomanana. Ireo mpitantana ny TIM eny anivon'ny distrika na ny DISTIM no nomena ity fampiofanana ity.

  • 26/05/2017 - 12:15 : Teknolojia _ NEW TECH EVENT: Hatao ny 1 jona ka hatramin'ny 3 jona izao ny ny andianay voalohany amin'ity hetsika momba ny teknolojia vaovao, izay ay hanome vahana ireo tanora mpandraharaha eo amin'ny sehatry ny NTIC. Hisy ihany koa ny fifaninana mamorona tranonkala ao anatin'ny 10 ora monja, ka ao anatin'ny andro hanaovana ny fifaninana vao hampahafantarina ny lohahevitra.

  • 26/05/2017 - 11:45 : Sainte Marie _Halatra lavanila : Lehilahy 1 sarona tao aminny tannanAmbohitra teo am-pangalarana lavanila, ka nofatorana nandritra ny alina ary nentina tao an-tampon-tanna sy natolotra ny polisim-pirenena androany maraina.

  • 26/05/2017 - 11:15 : Antenimieram-pirenena : Ity andrim-panjakana ity no hiantoka ny fandaniana rehetra aminny fikarakarana ny vantana mangatsiakanny Solombavambahoakani Marolambo Laivao Nitadiavina, izay nodimandry tampoka teny aminny Clinique iray teny Ankadifitsy noho ny fihetsehana tampoka teo aminny aretina efa nitaiza azy.

Voir plus d'infos...

26/05/2017

Plus d'infos...

Plus d'infos...

Handefa fitarainana kolikoly

Manome toky ny gazety Tia Tanindrazana fa hiaro sy hitazona ho tsiambaratelo ny loharanom-baovao rehetra araka ny hameran’ny lalàna azy. Noho izany dia miantoka ihany koa ny fiarovana ny fitaovana rehetra ampiasaina ny Tia Tanindrazana mba tena hijanona ho tsiambaratelo ny fitarainana voaray.

SATA IFAMPIFEHEZANA

Mitondra ny anjara birikiny amin’ny ady amin’ny kolikoly sy ny fametrahana ny fanjakana tsara tantana eto Madagasikara ny gazety Tia Tanindrazana. Ka sehatra iray noforonina mba hanatanterahana izany indrindra ny vovonana «Fongoriko ny Kolikoly», hita ao anaty gazety Tia Tanindrazana sy ao amin’ny tranonkalany ary hamoronana « application » ho an’ny finday sy ny tablety ihany koa.

Tanjona ny hamaky bantsilana sy hampiseho masoandro ny trangana kolikoly mahazo ny olom-pirenena amin’ny andavanandrom-piainany.Mampahafantatra ny tanjon’ny vovonana «Fongoriko ny Kolikoly » ity sata ity no sady mamaritra ny fomba fiasa hanatanterahana azy mba tena ho fitaovana mahomby sy maharitra hanovana an’i Madagasikara tokoa izy.

Tanjona :

Mandray sy manangona ny fitarainana rehetra manerana an’i Madagasikara momba ny trangana kolikoly ny «Fongoriko ny Kolikoly ». Mitondra porofo an-tsoratra, amina horonam-peo sy horonan-tsary manamarina ny tranga misy. Hitondra ny anjara birikiny amin’ny fanovana ny foto-pisainan’ireo zatra manao kolikoly.

Fepetra :

Ny gazety Tia Tanindrazana sy ny mpikirakira ny tranokala dia tsy mamoaka :

-tranga misy loko politika, ara-pivavahana,ara-poko na miendrika fanavakavaham-bolon-koditra

-tranga misy tanjona ara-barotra

-tranga mety hitarika korontana sy savorovoro

Sy ireo tranga na zava-miseho hafa rehetra mifanohitra amin’ny tanjona napetraky ny vovonana “Fongoriko ny Kolikoly” dia ny ady amin’ny kolikoly izany.

Endrika sy mombamomba azy:

Tranokala (site internet) sy « application mobile » kirakiran’ny mpanao gazetin’ny Tia Tanindrazana ny “Fongoriko ny Kolikoly” ary mivoaka ao anatin’ny gazety Tia Tanindrazana ihany koa.Manaraka ny teknôlôjia izy ity ka noho izany mampiasa ireo singa rehetra mahazatra mandrafitra izany tahaka ny :

-        Un Système d’identification

-        Un module de gestion des alertes et notifications

-        Un module de dénonciation

-        Un module de consultation des cas de corruption

-        Un module de partage vers les réseaux sociaux

-        Un moteur de recherche par mot clé ou par catégorie

 

 

 

Fampiasana azy :

Afaka ampiasain’ny olona rehetra manana adiresy e-mail ity sehatra ity saingy tsy maintsy misoratra anarana sy milaza ny mombamomba azy ny tsirairay mba hisorohana fanalam-baraka sy fiampangana tsy mitombina.

Manome toky ny gazety Tia Tanindrazana fa hiaro sy hitazona ho tsiambaratelo ny loaharanom-baovao rehetra araka ny hameran’ny lalàna azy. Noho izany dia miantoka ihany koa ny fiarovana ny fitaovana rehetra ampiasaina ny Tia Tanindrazana mba tena hijanona ho tsambaratelo ny fitarainana voaray.

Fandikana ny fifanarahana :

Esorin’ny mpikirakira ny tranokala avy hatrany ireo olona mampiasa ny vovonana «Fongoriko ny Kolikoly» tsy manaja ny fifanarahana ary mamerina izany matetika. Afaka entina eny amin’ireo ambaratongam-pahefana misy ny raharaha mampifanolana.

Ekeko ny sata ifampifehezana / J'accepte les conditions d'utilisation
voir les détails

Porofo / Preuve: raha afaka manome porofo / si vous pouvez fournir une preuve

Copyright 2009 Tia Tanindrazana