Fil d'actualités du 22/08/2017

  • 22/08/2017 - 16:00 : Amboanjobe Atsimondrano _Asan-jiolahy: Fivarotana sady toeram-pisotroana iray nisy nanafika ny tolakandro teo, ka voatifitra teo amin'ny kibony ny tompon-tsena. Jiolahy 2 kosa no maty ary 2 tafaporitsaka raha ny fampitam-baovao vonjimaika.

  • 22/08/2017 - 14:30 : Mahajanga _Bakalorea 2017: Hatao ao amin'ny Lisea tsy miankina Saint-Gabriel ny 24 aogositra izao manomboka amin'ny 7 ora sy sasany maraina ny ady hevitra sy ny fanapahana amin'ny naoty farany ambany hanafahana ny mpiadina na ilay antsoina hoe "délibération".

  • 22/08/2017 - 14:00 : Anosy _Fanendahana: Mpanendaka iray teo amin'ny fiantsoanan'ny taksibe eo Anosy no voasambotra ny atoandro teo. Saika niharan'ny fitsaram-bahoaka izy io raha tsy tonga ara-potoana ny polisy.

  • 22/08/2017 - 13:30 : Fikambanana FIZAFATO: Tsy manaiky ny fifidianana ny filohan'ny Fikambanana natao ny 6 aogositra lasa teo, izay nahalanian'i Maharante Jean de Dieu i Berckley Andriamanarivo, izay saika hirotsaka kandida saingy niala an-daharana noho ny fahitany resaka tsy fanarahan-dalàna. Hanetsika ireo herivelona rehetra avy any Toliara ny tenany hanohitra iny fifidianana iny.

  • 22/08/2017 - 13:00 : Fitaterana: Manoloana ny firongatry ny lozam-Handraisana fepetra manokana ireo fiara manokana hampanofaina na ny "Voiture de location", ary efa nisy ny naoty navoaka momba izany. Mivoitra ao anatin'izany ny mikasika ny taratasin'ny fiara sy ny kalitaony ao anatiny sy ivelany amin'ny alalan'ilay antsoina hoe: “visite de confirmité", araka ny nambaran'ny Kolonely Andry Rakotondrazaka, Tale Jeneralin'ny ATT.

  • 22/08/2017 - 12:30 : Tolagnaro: Tanterahina ao amin'ny Lapan'ny tanàna any an-toerana naomboka omaly hatramin'ny 25 aogositra izao ny fihaonambem-pirenena ho an'ny mpitsabo mpanampy manerana an'i Madagasikara.

  • 22/08/2017 - 12:00 : Any ivelany _Italie: Nisehoana horohoron-tany mahery vaika tany amin'ny Nosy Ischia any Italie, ka olona 2 hatreto no namoy ny ainy.

  • 22/08/2017 - 11:30 : Fifidianana 2018 _Tetibola ilaina: Mahatratra hatrany amin'ny 85 miliara ariary ny vola ilaina amin'ny fanatanterahana ny fifidianana 2018. Ny 12 tapitrisa Euros, izany hoe 35 miliara eo ho eo dia avy amin'ny mpiara-miombon'antoka teknika sy ara-bola avy amin'ny sehatra iraisam-pirenena ary ny 40 ka hatramin'ny 50 miliara ariary kosa hiantohan'ny Fanjakana Malagasy, izay efa noresahina ao anatin'ny lalàna momba ny tetibolam-panjakana 2017.

  • 22/08/2017 - 11:00 : Faritra Anôsy: Kaominina miisa 20 nomena fampitaovana toy ny solosaina, imprimante, takelaka mandeha amin'ny herin'ny masoandro omaly 21 aogositra. Efa andiany faharoa izao taorian'ny tamin'ny taon-dasa, ka ireo kaominina 9 ao amin'ny distrikan'Ambosary Atsimo sy 11 ao anatin'ny distran'i Tolagnaro, izay tsy mbola nahazo tamin'ny taon-dasa no nisitraka ireo fitaovana ireo.

  • 22/08/2017 - 10:30 : Ambanidia _Mpangalatra fiara tratra: Lehilahy iray mpangalatra fiara tratra teny Ambanidia vao minitra vitsy lasa izay. Teo Ambanidia akaikin'ny BOA, raha iny nametraka ny fiarany iny ny lehilahy iray, ary niditra tao amin'ny banky dia efa nihaodihaody teo ilay olon-dratsy, izay manana fahazoan-dàlana hamily. Fiara mihidy kanefa tafiditra tao anatiny ny tenany, saingy tra-tehaka ary voasambotra.

Voir plus d'infos...

22/08/2017

Plus d'infos...

Plus d'infos...


Archive du 20170808

Misongadina

Fifidianana 2018 Raikitra ny « combat »

08/08/2017

Samy mampiseho ny tanjany ireo kandida heverina ho matanjaka amin’ny fifiadianana 2018, ka isan’ny lohalaharana amin’izany i Marc Ravalomanana, Andry Rajoelina, ary i Hery Rajaonarimampianina.

Hamaky ny tohiny...

Politique

« Force de changement » Hidina an-dalambe

08/08/2017

Omaly indray vao nipoitra tetsy amin’ny AKFM Andravoahangy ny vovonana politika,

Hamaky ny tohiny...

Julien Radanoara « Zo mahafaty no misy eto »

08/08/2017

Tsy nitsitsy fitenenana ny mpahay diplomasia, Julien Radanoara, omaly, nanatsikafona ireo tsy fihetezan-javatra rehetra misy eto amin’ny firenena na eo amin’ny lafiny lalàna izany, fa indrindra teo amin’ny resaka zon’olombelona

Hamaky ny tohiny...

Actualits

Miparitaka ny vola sandoka 3 lahy voasambotra tany Sambava

08/08/2017

Iray volana latsaka izay no namoahan’ny fanjakana Malagasy vola vaovao, ka isan’ny mampiavaka azy ny fisian’ny 20 000 Ariary mitambatra. Nambara fa tsy dia ho hita mifamezivezy io vola iray io, fa ireo tena mila ihany no hampiasa azy.

Hamaky ny tohiny...

Lalao SHELL Extra Challenge Lasan-dRazanamahenina Serge ny Suziki Jimny

08/08/2017

Lasan-dRazanamahenina Serge, ilay tovolahy iray 32 taona, nibata ny amboara tamin’ilay lalao dingana manasa-dalana ho an’ Antananarivo notontosaina ny herinandro teo ihany koa ilay fiara Suziki Jimny natolotra ho an’izay mpandresy ho an’ireo mpifaninana telo farany isam-paritra niatrika ny lalao famaranana.

Hamaky ny tohiny...

Finoana

Mampiaka-peo koa ny Silamo “Miala ny Filohampirenena raha hendry”

08/08/2017

Sesilany ny fanakianana ny filoham-pirenena Hery Rajaonarimampianina sy fitondrana HVM tarihiny. Ireo olom-bitsy mahazo tombotsoa manokana amin’ny fitondrana sisa hany mankasitraka sy miaro fa ny sarambabem-bahoaka efa leo sy tofoka.

Hamaky ny tohiny...

Edito

Maneno kiririoka sa ….

08/08/2017

Heverina fa hanomboka hisesy amin’izay izany izao ny fanambarana amin’ny fomba ofisialy hitanjozoran’ireo mikasa ho kandidà filoham-pirenena amin’io taona ho avy io.

Hamaky ny tohiny...

Fifamoivoizana

Fanadihadiana ny loza an-dranomasina eto Madagasikara Hampanarahana ny fenitra iraisam-pirenena

08/08/2017

Nanomboka omaly ary tsy hitsahatra ny hanao atrikasa hijerena izay hahafahana manatsara ny lalàna mifehy ny fanadihadiana ireo loza an-dranomasina eto amintsika etsy amin’ny DLC Anosy hatramin’ny 18 aogositra

Hamaky ny tohiny...

Fahasalamana

Fampinonoan-dreny Mbola mila ezaka i Madagasikara

08/08/2017

Manao ezaka goavana hatrany ny Ministeran’ny Fahasalamam-bahoaka amin’izao fotoana izao manentana ny Reny Malagasy ny amin’ny tokony hampinonoana tsy misy fangarony ny zaza vao teraka mandrapahatongan’ny faha-enim-bolany.

Hamaky ny tohiny...

Toekarena

“Graphite” ao Brickaville Mbola fikarohana fa tsy fitrandrahana no atao

08/08/2017

“Tsy marina ny filazana fa efa mitrandraka ny ‘graphite’ ao Ambatolampy Savalaina Ambinaninony izahay; mbola fikarohana ny misy ary mbola izay fahazoan-dalana azonay izay no ataonay izao…”,

Hamaky ny tohiny...

Orinasa Startimes 30.000 ireo mpanjifany eto Madagasikara

08/08/2017

Efa mahatratra hatrany amin’ny 30.000 isa ireo mpanjifan’ny orinasa Startimes eto amintsika amin’izao fotoana izao raha ny 90 %-n’ny faritra 22 no efa voarakotr’izy ireo.

Hamaky ny tohiny...

Copyright 2009 Tia Tanindrazana