Dans la męme rubrique

Fonjan’i Tsiafahy Mpanao fanafihana mitampidiana ireo gadra nitsoaka

10/10/2017

Nandavaka tonelina 5 metatra niainga avy tao amin’ny toerana na “cellule” nitazonana azy no nahafahan'ireo gadra 5 nitsoaka ny fonjan’i Tsiafahy ny sabotsy hifoha alahady 8 oktobra teo,

Fonjan’i Tsiafahy Mpanao fanafihana mitampidiana ireo gadra nitsoaka

Hamaky ny tohiny...

Dahalo nanafika CEG Ny tale maty voakapa famaky, ny vola lasa

04/10/2017

Tsy mialamina intsony ny tany ! Notafihin’ny andian-dahalo indray ny talen’ny CEG any alarobia-Bemaha, ny alin’ny alatsinainy 2 oktobra 2017 lasa teo.

Dahalo nanafika CEG Ny tale maty voakapa famaky, ny vola lasa

Hamaky ny tohiny...

Hentitra ny SEG “Miala izay tsy mahavita azy”

26/09/2017

Tsy toy ilay teo aloha fa dia mazoto manome fanazavana amin’ny mpanao gazety mikasika ny tontolon’ny tsy fandriampahalemana misy amin’izao fotoana eto amin’ny firenena ny jeneraly Girard Randriamahavalisoa, sekreteram-panjakana miadidy ny zandarimaria na ny SEG vaovao.

Hentitra ny SEG “Miala izay tsy mahavita azy”

Hamaky ny tohiny...

Faritra mena Ambatondrazaka Tsy mbola hita popoka ireo gadra tafatsoaka

26/09/2017

Hentitra dia hentitra ny fitandroana ny filaminana sy ny fanaraha-maso ireo olona rehetra mivezivezy any Ambatondrazaka sy ny manodidina amin’izao fotoana.

Faritra mena Ambatondrazaka Tsy mbola hita popoka ireo gadra tafatsoaka

Hamaky ny tohiny...

Kaominina Andina Ambositra Hiara-kiasa ny vahoaka sy ny mpitandro ny filaminana

26/09/2017

Tontosa soa aman-tsara omaly tany amin’ny kaominina ambanivohitra Andina, distrikan’Ambositra ny fivoriambe faharoa amin’ity taona 2017 ity notarihin’ny ben’ny tanàna ny dokotera Rakotozandrindrainy Raphael.

Kaominina Andina Ambositra Hiara-kiasa ny vahoaka sy ny mpitandro ny filaminana

Hamaky ny tohiny...

Ady amin’ny mahadomelina Hitety sekoly ny Ong Ny Sahy

25/09/2017

Efa saika miverina any an-dakilasy avokoa ireo ankizy mpianatra eto an-drenivohitra sy ny manodidina amin’izao fotoana.

Ady amin’ny mahadomelina Hitety sekoly ny Ong Ny Sahy

Hamaky ny tohiny...

Dahalo miendrika lolo Lasa saina ny mponina

23/09/2017

Faritra mena amin’ny asan-dahalo ao andrefan’i Betafo, kaominin’Ambohimanambola, izay sady misy toeram-pitrandrahana volamena.

Dahalo miendrika lolo Lasa saina ny mponina

Hamaky ny tohiny...


Fandriampahalemana

Kidnapping Karana Misy ifandraisany amin’ny fifidianana ?

17/06/2017

Votsotra ny alakamisy lasa teo ilay teratany karana Pradeep Chandarana, nisy naka an-keriny teny Behoririka ny alarobia 7 jona teo. Tsy fantatra mazava izay fepetra sy fifanarahan'ny fianakaviany sy ireo mpaka an-keriny ka nahavotsotra azy.

  Ny azo ambara dia ny ezaka manokana nataon’ny fianakaviany matoa tsy mbola nisy ny fampitam-baovao avy amin’ny mpitandro ny filaminana. Ny alarobia 14 jona lasa teo ihany koa dia zanaka karana iray hafa no nisy naka an-keriny tany Toamasina. Nikasa ny hiala sasatra any Foulpointe izy tamin’io, raha ny loharanom-baovao avy any an-toerana. Araka ny vaovao iray avy any Antsirabe dia nitrangana asa fakana an-keriny koa tany an-toerana ny androtr’io 15 jona nahavotsotra an’i Pradeep Chandarana, ka zanaka karana tompona tranombarotra lehibe iray no no lasibatra. Araka ny vaovao azo dia lehilahy roa nitondra “moto cross” mainty no naka io zaza io. Tsy mbola nisy kosa anefa ny fampitam-baovao ofisialy. Vao omaly no nanao fanambarana amin’ny hisian’ny asa mivaingana mba hitsaharan’ny “Kidnapping” ny masoivohon’i Inde eto Madagasikara, saingy tsy izay no miseho.

Misy ifandraisany amin’ny fifidianana ?

Lasa fitadiavam-bola mihitsy ny “fakana an-keriny” amin’izao fotoana. Tsy fantatra anefa ny ao ambadika. Ny samy karana ve no mifamely sa misy hidirany amin’ny toe-draharaha politika eto amin’ny firenena ? Efa antomotra ny fifidianana ary mandritra ny propangandy no hiparitahan’ny volabe hoentina hanambazana ny vahoaka. Tsy mbola voafehy rahateo ny fanaraha-maso ny loharanom-bolan’ny kandida eto amintsika kanefa azo lazaina ho mampiasa vola maloto ny ankamaroany. Ny volabe azo tamin’ny fanondranana boaderozy sy ny harem-pirenena no hoentina hanaovana propangady avy eo. Efa niseho izany tamin’ny fifidianana teto amin’ny firenena satria olona mpanao boaderozy no mahavita manome 21 miliara ariary ny kandida filoham-pirenena iray nandritra ny fifidianana farany. Na misy aza ny fanondranana harem-pirenena dia somary mangingina aloha ny akony, ka mety any amin’ny fakana an-keriny indray no loharanom-bola vaovao hoenti-miketrika vola hanaovana propagandy. Ny zavatra tsikaritra ihany koa dia tsy mahita mangirana mihitsy ny mpitandro ny filaminana. Tamin’ireo aferana “kidnapping” nisesisesy tato ho ato dia ny fianakavian’ny lasibatra ihany no mitady vahaolana sy manome ny tambin’ny famotsorana. Mampiahiahy ihany ny mety hisian’ny dian-tanan’ny mpitandro ny filaminana ao anatin’ireny raharaha ireny, ka mampanano sarotra ny fikarohana ny marina.

Toky R

 

 

 

 <<Retour

 

Réagissez sur l'article - 0 réaction(s)

Hametraka fanamarihana

Captcha Recharger l'image

Copyright 2009 Tia Tanindrazana