Dans la mme rubrique

Fisotroan-toaka lava Mahavoa ny « Cirrhose du foie »

15/12/2017

Mahavoa ny « Cirrhose de foie » ny fisotroan-toaka lava, hoy dokotera Fidy Bariniaina.

Fisotroan-toaka lava Mahavoa ny « Cirrhose du foie »

Hamaky ny tohiny...

Ady amin’ny fahajambana Ifandrombahana ny fitiliana maso maimaimpoana

13/12/2017

Mahatratra 20.000 Ar ankehitriny ny saran’ny fijerena maso eny anivon’ny mpitsabo. Vitsiana ireo manana fahafahana ny hanao izany, indrindra fa ho an’ireo efa mitondra solomaso.

Ady amin’ny fahajambana Ifandrombahana ny fitiliana maso maimaimpoana

Hamaky ny tohiny...

Vaksiny iadiana amin’ny lefakozatra Mila tohizana hiarovana ny zaza, hoy ny minisitera

09/12/2017

Hifarana anio sabotsy 9 desambra manerana ny Nosy rehefa naharitra efatra andro ilay hetsika vaksiny faobe iadiana amin’ny aretina lefakozatra (Polio) andiany faha-11 karakarain’ny minisiteran’ny fahasalamam-bahoaka ho an’ireo zaza latsaky ny dimy taona.

Vaksiny iadiana amin’ny lefakozatra Mila tohizana hiarovana ny zaza, hoy ny minisitera

Hamaky ny tohiny...

Hafanana manevokevoka Mampiakatra Tosidra tampoka, mahafanina

08/12/2017

Tsy misy izay tsy mikolay amin’ny fiovaovan’ny toetr’andro eto amintsika ny rehetra amin’izao. Mafana be tampoka indraindray, avy ny orana, mangatsiaka… Ilay hafanana be no tena mampitaraina ny maro, indrindra amin’ny antoandro. Aretina tsy ampoizina maro no aterany amin’ny ankapobeny toy ny fiakaran’ny tosidra tampoka izay vao avy nahafaty mpitarika sarety am-perinasa teny Anosibe ny herinandro teo, ny aretin’andoha, ilay fanina tampoka, maloiloy.

Hafanana manevokevoka Mampiakatra Tosidra tampoka, mahafanina

Hamaky ny tohiny...

Lakandranon’Andriantany Nodiovin’ny kaominina Antananarivo Renivohitra

06/12/2017

Nirotsaka an-tsehatra nanadio mivantana ny lakandranon’Andriantany mandalo etsy Ankadimbahoaka omaly, ny kaominina Antananarivo Renivohitra (CUA) notarihin’ny Ben’ny tanàna Lalao Ravalomanana mivady.

Lakandranon’Andriantany Nodiovin’ny kaominina Antananarivo Renivohitra

Hamaky ny tohiny...

Ady amin’ny aretina SIDA Ny 70 %-n’ny tobim-pitsaboana no efa misy fanaovana fitiliana

02/12/2017

Ny 0,2% amin’ny vahoaka Malagasy no efa mitondra ny tsimokaretina SIDA ankehitriny, raha araka ny tarehimarika navoakan’ny ONU SIDA tamin’ny taona 2016.

Ady amin’ny aretina SIDA Ny 70 %-n’ny tobim-pitsaboana no efa misy fanaovana fitiliana

Hamaky ny tohiny...

Ady amin’ny pesta Nanome 2 tapitrisa dolara ny Amerikanina

01/12/2017

Nambaran’ny ambasadaoro amerikanina Robert T. Yamate omaly ny fanomezan’ny tahirim-bola natokana ho an’ny hamehana ao amin’ny Sampandraharaha Amerikanina ho an'ny Fampandrosoana Iraisam-pirenena (USAID),

Ady amin’ny pesta Nanome 2 tapitrisa dolara ny Amerikanina

Hamaky ny tohiny...


Fahasalamana

Lehilahy matin’ny pesta Nifandroritan’ny “BMH” sy ny fianakaviana

12/10/2017

trangana savorovoro tao Tanambao V Toamasina ny talata alina. Antony dia voaporofo fa matin’ny pesta ny lehilahy iray ka nifamalian’ny fianakaviana sy ny BMH ny fikarakarana ny razana.

Voatery nampiasa hery mihitsy ny mpitandro ny filaminana nakana ilay razana vao afaka nandevina azy ho lavitry ny fianakaviany sy ny mpiaraha-monina ny BMH noho izy matin’ny pesta, ka tsy maintsy misy fepetra manokana ny fomba fandevenana azy.

 

Sakoroka hatreny am-pasana

 

 Fantatra araka ny angom-baovao natao fa nisy fotoana narary ity lehilahy ity saingy tsy nanatona toeram-pitsaboana mihitsy, efa nisy aza fotoana nando ra izy io araka ny fanazavan’ny manodidina nefa tsy nentin’ireo fianakaviany namonjy toeram-pitsaboana hatrany ka izao maty ny talata teo izao. Tsy nijanona tamin’ity sakoroka tao Tanambao V ity anefa ny raharaha fa nitohy ny alarobia maraina teny amin’ny toeram-pandevenana Manangareza izay nandevenan’ny BMH azy. Tonga ny fianakaviany haka ny fatin’ny havany. Tonga teny koa ny Emmo-Rég nanakana izany ka mbola raikitra hatrany ny sakoroka. Nihenjana anefa ireto mpitandro ny filaminana fa hampihatra ny lalàna manan-kery raha tsy milefitra amin’ny tsy mety ataony ireto fianakaviana ireto; satria heloka bevava ny fangalarana faty amin’izay mbola loza mitatao ara-pahasalamana amin’ny vahoaka Malagasy ny hitranga. Nanaiky ihany izy ireo ka nilamina ny raharaha ka samy namonjy ny fodiany ny tsirairay. Tsy ity tranga tao Tanambao V ity ihany no matin’ny pesta tany an-tranony ny talata io fa teo koa ny tovolahy iray monina any Antanandava Toamasina Suburbaine. Efa nanaraka fitsaboana ihany izy ity saingy nitsoaka ny hopitaly kosa ka izao maty tsy nahatody fitsaboana natao tamin’ny noho pesta nanjo azy izao, izay tokony haharitra 8 andro sy manao tsindrona 48 isa ihany koa. Eo am-pikarohana ny “Tuc-Tuc” nitondra azy sy izay mety iray Dia taminy ny mpitandro ny filaminana izao mba hanaraka ny fitsaboana sahaza azy izy ireo.


Rakoutou

 <<Retour

 

Réagissez sur l'article - 0 réaction(s)

Hametraka fanamarihana

Captcha Recharger l'image

Copyright 2009 Tia Tanindrazana