Dans la męme rubrique

Tsy mahalala menatra !

15/12/2017

Mifampihantsy sy mifampidera taim-by ara-bakiteny ankehitriny na ny eo anivon’ny fitondrana, izay milaza sy miantehatra fatratra fa mahery sy tompon’ny fahefana,

Tsy mahalala menatra !

Hamaky ny tohiny...

Iza no vonon-kiasa ?

14/12/2017

Lasa ihany ny eritreritra mahita an-dramalagasy ankehitriny misary resy tanteraka noho ny fidangan’ny vidim-piainana sy ny fahasahiranana andavanandro vokatry ny resabe ataon’ny mpitondra sy ny mpanao politika tsy mahatonga vary sy laoka any am-bilaniny.

Iza no vonon-kiasa ?

Hamaky ny tohiny...

Mipararetra ry kanosa

13/12/2017

Niezinezina ny fanambaran’ny filoha teo aloha Marc Ravalomanana omaly ny fahavononany sy firosoany hatrany hanarina an’i Madagasikara, ary izay no niadiany mafy ny hiverenenany teto Madagasikara.

Mipararetra ry kanosa

Hamaky ny tohiny...

Olona no olana

12/12/2017

Rafitra, rafitra, rafitra ! Izay hatrany no tanisaina fa mahatonga ny tsy fetezan-javatra rehetra eto. Mila manova rafitra isika na koa hoe mila fanorenana ifotony mihitsy ity firenena ity.

Olona no olana

Hamaky ny tohiny...

Aoka hazava kosa e !

11/12/2017

Malaza sy fitaovana hivoizana hevitra sy fampitam-baovao ara-politika na zava-misy eny anivon’ny fiarahamonina ny tambajotran-tserasera « facebook » amin’izao fotoana izao.

Aoka hazava kosa e !

Hamaky ny tohiny...

Lany andro mitangirika

08/12/2017

Nigadona omaly teto an-tanindrazana ny filoham-pirenena Hery Rajaonarimampianina, rehefa avy nanao fitsidihana tany Japon nandritra ny andro maromaro niaraka tamina delegasiona maro be. Nisy ny fifampiresahana tany, ary dia nahazo toky tamin’ny mpitondra ity firenena ity indray fa hanohana an’i Madagasikara izy ireo.

Lany andro mitangirika

Hamaky ny tohiny...

Lasa aloha…

07/12/2017

Efa iaraha-mahita ankehitriny fa miezaka manindraindra an-kolaka, izay mety ho kandidany amin’ny fifidianana filoham-pirenena amin’ny taona 2018 ny antokon’ny fitondram-panjakana HVM.

Lasa aloha…

Hamaky ny tohiny...


Edito

Trafikana omby Miara-miasa ny sinoa sy ny dahalo ?

18/11/2016

Tandindonin-doza ny omby Malagasy amin’izao fotoana izao. Efa ho lany tamingana ny omby any Atsimon’ny Nosy kanefa tsy mahataitra ny fanjakana izany.

 

Maro amin’ny olon-tsotra sy ny tompon’andraikitra eto amin’ny firenena no nangataka amin’ny mpitondra ny mba hanatsaharana ny fanondranana omby any ivelany kanefa toa tsy misy valiny mahafa-po. Vao mainka aza ny mifanohitra amin’izany no misy raha dinihina amin’ny zava-misy any Ankaramena, faritra Toliara. Velaran-tany ana hektara maro no ampiasain’ny sinoa manao tetikasa goavana mifantoka amina fanatavizana omby. Tsy fantatra mazava ny fomba nahazoan’ny sinoa izany tany be midadasika izany. Ny manampahefana toy ny minisiteran’ny fiompiana rahateo tsy mbola nanome fanazavana mazava mikasika io tetikasa io sy ny fahazoan-dalan’ireo sinoa ireo. Maro amin’ireo tompon-tany no velon-taraina sy mihevitra fa namidin’ny fanjakana amin’ny sinoa io tany be io kanefa maro ny Malagasy maniry ny hividy sy hampiasa izany. Ny tena loza amin’ny fisian’ireo sinoa ireo dia toa misy ifandraisany amin’ny asan-dahalo any an-toerana izy ity. Mandeha ny resaka fa izy ireo no mampaniraka ireo dahalo hangalatra omby ary alefa ao amin’io toerana io avy eo. Haondrana any ivelany ny omby sy hena amin’io toerana io fa tsy mba haparitaka amin’ny tsena anatiny, anisan’ny antony mampiakatra andro aman’alina ny vidin’ny hena izay miapaka hatraty an-drenivohitra. Manome vahana ny trafikana omby, araka izany, ny fisian’io tetikasa tsy dia mazava io. Manginy fotsiny ireo vokatra hafa satria mangahazo an-taonina maro no ilaina amin’io toeram-panatavizana omby io, raha ny fampitam-baovaon’ny olona any an-toerana. Ny mahagaga dia toa mangina sy tsy re feo ireo tompon’andraikitra toy ny minisitry ny fiompiana sy ny fambolena, izay tompon’andraikitra tokony hahafantatra voalohany ny momba izao zava-misy izao. Ahiana ho misy firaisana tsikombakomba amin’ny mpitondra sy ny sinoa izay efa malaza ratsy mihitsy izao zava-misy izao.

Toky R.

 

 

 <<Retour

 

Réagissez sur l'article - 0 réaction(s)

Hametraka fanamarihana

Captcha Recharger l'image

Copyright 2009 Tia Tanindrazana