Dans la męme rubrique

Tsy mahalala menatra !

15/12/2017

Mifampihantsy sy mifampidera taim-by ara-bakiteny ankehitriny na ny eo anivon’ny fitondrana, izay milaza sy miantehatra fatratra fa mahery sy tompon’ny fahefana,

Tsy mahalala menatra !

Hamaky ny tohiny...

Iza no vonon-kiasa ?

14/12/2017

Lasa ihany ny eritreritra mahita an-dramalagasy ankehitriny misary resy tanteraka noho ny fidangan’ny vidim-piainana sy ny fahasahiranana andavanandro vokatry ny resabe ataon’ny mpitondra sy ny mpanao politika tsy mahatonga vary sy laoka any am-bilaniny.

Iza no vonon-kiasa ?

Hamaky ny tohiny...

Mipararetra ry kanosa

13/12/2017

Niezinezina ny fanambaran’ny filoha teo aloha Marc Ravalomanana omaly ny fahavononany sy firosoany hatrany hanarina an’i Madagasikara, ary izay no niadiany mafy ny hiverenenany teto Madagasikara.

Mipararetra ry kanosa

Hamaky ny tohiny...

Olona no olana

12/12/2017

Rafitra, rafitra, rafitra ! Izay hatrany no tanisaina fa mahatonga ny tsy fetezan-javatra rehetra eto. Mila manova rafitra isika na koa hoe mila fanorenana ifotony mihitsy ity firenena ity.

Olona no olana

Hamaky ny tohiny...

Aoka hazava kosa e !

11/12/2017

Malaza sy fitaovana hivoizana hevitra sy fampitam-baovao ara-politika na zava-misy eny anivon’ny fiarahamonina ny tambajotran-tserasera « facebook » amin’izao fotoana izao.

Aoka hazava kosa e !

Hamaky ny tohiny...

Lany andro mitangirika

08/12/2017

Nigadona omaly teto an-tanindrazana ny filoham-pirenena Hery Rajaonarimampianina, rehefa avy nanao fitsidihana tany Japon nandritra ny andro maromaro niaraka tamina delegasiona maro be. Nisy ny fifampiresahana tany, ary dia nahazo toky tamin’ny mpitondra ity firenena ity indray fa hanohana an’i Madagasikara izy ireo.

Lany andro mitangirika

Hamaky ny tohiny...

Lasa aloha…

07/12/2017

Efa iaraha-mahita ankehitriny fa miezaka manindraindra an-kolaka, izay mety ho kandidany amin’ny fifidianana filoham-pirenena amin’ny taona 2018 ny antokon’ny fitondram-panjakana HVM.

Lasa aloha…

Hamaky ny tohiny...


Edito

Ny lasa tsy fanadino !

17/12/2016

Valifaty politika, fifampisamborana sy fifanagadrana izao no malaza. Ny mpanagadra anio dia mety hogadraina rahampitso ary izany no mihatra amin’ny olon’ny tetezamita teo aloha ankehitriny.

Tsy sanatria manenji-dresy na faly amin’ny fahavoazan’ny sasany fa ny tantara tsy mba fanadino. Ny fitondrana tetezamita no anisan’ny nanao fahirano teto amin’ity firenena ity, nanomboka teo amin’ny fanonganam-panjakana ny taona 2009 sy ny fandorana fananan’olona ary ny fanagadrana sy ny ramatahora tsy tambo isaina. Nihevi-tena tsy ho tratry ny aloka saingy mikaikaika ankehitriny rehefa mba tratra ka ventesina avokoa izay teny rehetra ahafaha-manameloka ny fanjakana, izay mpiray lovia taminy ihany saingy nitsipa-doha laka-nitana noho ny ady tombontsoa. Izao ilay hoe ny tody tsy misy fa ny atao no miverina ary lesona ho an’ny rehetra ny zava-misy hoe mitsimbadibadika toy ny kodiaran-tsarety io tantara io fa tsy ho mandrakizay ny hanana hery sy fahefana. Toa manao azy tsy ho tratry ny aloka ihany koa mantsy ny fitondrana ankehitriny ka mibontsimbotsina sy miseho azy ho mafy amin’ny fisamborana sy fanagadrana. Mbola eo am-pelatanana aloha ny hery sy fahefana ka zary fahafinaretana ny fijerena ny fahorian’ny hafa migadra any am-ponja sy miery noho ny fanenjehana atao azy ireny. Mety hitsimbadika kosa ny tantara aoriana ao ary ho sesilany indray ny fanamelohana avy amin’ireto mihevi-tena tsy ho tratry ny aloka ireto rehefa tonga izay fotoana izay, fa izao aloha mbola afaka miedinedina sy manao vain-drahalahy tsy marary !

  Toky R.

 

 <<Retour

 

Réagissez sur l'article - 0 réaction(s)

Hametraka fanamarihana

Captcha Recharger l'image

Copyright 2009 Tia Tanindrazana