Dans la męme rubrique

Tsy mahalala menatra !

15/12/2017

Mifampihantsy sy mifampidera taim-by ara-bakiteny ankehitriny na ny eo anivon’ny fitondrana, izay milaza sy miantehatra fatratra fa mahery sy tompon’ny fahefana,

Tsy mahalala menatra !

Hamaky ny tohiny...

Iza no vonon-kiasa ?

14/12/2017

Lasa ihany ny eritreritra mahita an-dramalagasy ankehitriny misary resy tanteraka noho ny fidangan’ny vidim-piainana sy ny fahasahiranana andavanandro vokatry ny resabe ataon’ny mpitondra sy ny mpanao politika tsy mahatonga vary sy laoka any am-bilaniny.

Iza no vonon-kiasa ?

Hamaky ny tohiny...

Mipararetra ry kanosa

13/12/2017

Niezinezina ny fanambaran’ny filoha teo aloha Marc Ravalomanana omaly ny fahavononany sy firosoany hatrany hanarina an’i Madagasikara, ary izay no niadiany mafy ny hiverenenany teto Madagasikara.

Mipararetra ry kanosa

Hamaky ny tohiny...

Olona no olana

12/12/2017

Rafitra, rafitra, rafitra ! Izay hatrany no tanisaina fa mahatonga ny tsy fetezan-javatra rehetra eto. Mila manova rafitra isika na koa hoe mila fanorenana ifotony mihitsy ity firenena ity.

Olona no olana

Hamaky ny tohiny...

Aoka hazava kosa e !

11/12/2017

Malaza sy fitaovana hivoizana hevitra sy fampitam-baovao ara-politika na zava-misy eny anivon’ny fiarahamonina ny tambajotran-tserasera « facebook » amin’izao fotoana izao.

Aoka hazava kosa e !

Hamaky ny tohiny...

Lany andro mitangirika

08/12/2017

Nigadona omaly teto an-tanindrazana ny filoham-pirenena Hery Rajaonarimampianina, rehefa avy nanao fitsidihana tany Japon nandritra ny andro maromaro niaraka tamina delegasiona maro be. Nisy ny fifampiresahana tany, ary dia nahazo toky tamin’ny mpitondra ity firenena ity indray fa hanohana an’i Madagasikara izy ireo.

Lany andro mitangirika

Hamaky ny tohiny...

Lasa aloha…

07/12/2017

Efa iaraha-mahita ankehitriny fa miezaka manindraindra an-kolaka, izay mety ho kandidany amin’ny fifidianana filoham-pirenena amin’ny taona 2018 ny antokon’ny fitondram-panjakana HVM.

Lasa aloha…

Hamaky ny tohiny...


Edito

Mifandray tendro …

14/11/2016

Fomban’ny mpitondra ankehitriny ny mifampiaro amin’ny tsy mety ataony.


 Tsy mba misy eto amintsika mihitsy ny kolontsain’ny famokarana fa ny fiarovana ny mpitondra sy ny tompon’andraikitra tsy mamokatra sy tsy mahefa ny asany ary manao fahadisoana mihitsy no kolontsaina napetraka. Niaraha-nahita sy naheno ny fandikan-dalàna nataon’ny tafika tamin’ny fananiham-bohitra teny Analakely ny herinandro lasa teo saingy tsy mbola nisy ny didy fanalana na fanasaziana ny tompon’andraikitra ambony tsy mahafehy ny asany. Kiantranoantrano no manjaka ka zary filibana sy fangoronan-karena ny fananana toerana ambony. Manao volo ngita mifandray tendro ny samy mpitondra ka mifampiaro sy mifanavotra hatrany ka mamotika ny firenena. Ny sehatra rehetra dia toy izany avokoa. Ny minisitera iray dia lasa minisiteram-pianakaviana ka samy manao izay danin’ny kibony ny mpianakavy. Ny orinasam-panjakana lasa fanaovan’ny mpitondra bizina ka mitotongana sy banky ropitra. Tsy any amin’ny harem-pirenena irery ihany no anjakan’ilay teny hoe atao tantely afa-drakotra fa ny zava-drehetra, hany ka mitambatra ho hery lehibe mamotika ny fiainam-pirenena ny firaisan-tsaina sy firaisankinan’ny mpitondra hanjakazaka fa tsy mba hifaninana amin’ny tsara ka hametraka ny kolontsain’ny famokarana. Rahoviana ihany vao mba hiova e ?

Toky R.  

 <<Retour

 

Réagissez sur l'article - 0 réaction(s)

Hametraka fanamarihana

Captcha Recharger l'image

Copyright 2009 Tia Tanindrazana