Dans la mme rubrique

Mila harenin-kasina !

18/01/2018

Misy ilay fomba fiteny frantsay izay hoe “Sahaza antsika izay mpitondra azontsika.” Ireo mpanandro sy mpanao hatsarana na mpisikidy na mpimasy hatramin’ny mpitondra fivavahana dia samy mino ny fisian’ny ozona avokoa.

Mila harenin-kasina !

Hamaky ny tohiny...

Antomotra ny farany e !

17/01/2018

Mikoropaka sy miady saina ny fanjakana Rajaonarimampianina amin’ny kapoka isan-karazany mihatra aminy.

Antomotra ny farany e !

Hamaky ny tohiny...

Izay tsy faly mibontsina

16/01/2018

Ho an-terisetra hatramin’ny farany ve izany no hanatontosana ny zava-drehetra mba ho tombontson’olom-bitsy ao anatin’ny 5 taona manaraka indray? Tsaroana ny fianianan’ny filoham-pirenena ankehitriny teo anatrehan’Andriamanitra Andriananahary sy ny vahoaka Malagasy nialohan’ny nandraisany fahefana 4 taona lasa izay.

Izay tsy faly mibontsina

Hamaky ny tohiny...

Tsy hifampifahavalo mandrakizay

10/01/2018

Miha mafana ny rivotra politika eto amin’ny firenena amin’izao fotoana izao. Mihazakazaka mihitsy aza satria efa tena ankatoky ny fifidianana tokoa isika, ka eo ny efa mametraka ny paikadiny na dia mbola misy ihany aza aloha ny somary mihainohaino.

Tsy hifampifahavalo mandrakizay

Hamaky ny tohiny...

Fisandratana ahoana ?

09/01/2018

Toy ny vara-datsaka sy fanesoana ny vahoaka Malagasy hatramin’izao ary tena hotsaroan’ny tantara mihitsy ny kabarin’ny filoham-pirenena farany teo nandritry ny fifampiarahabana nahatratra ny taona teny Iavoloha.

Fisandratana ahoana ?

Hamaky ny tohiny...

Noho ny hafenoan’ny rano be loatra …

08/01/2018

Ambony ambany indray ny fiainam-pirenena, noho ny hafenoan’ny rano be loatra. Nijojo ny orana. Miantraika any anaty fiarahamonina efa ho taona maro ny fahasahiranana. Maro ny Malagasy no nindaosin’ny fahafatesana, mety noho ny aretina, ny famonoan-tena, ny lozam-pifamoivoizana, ny asan-jiolahy, ny loza voajanahary.

Noho ny hafenoan’ny rano be loatra …

Hamaky ny tohiny...

Izay nafafy no honjinjaina

05/01/2018

Sarotra ny hino sy hanantena, fa mba ho tonga saina sy hahalala ny tokony hataony ity fitondran-dRajaonarimampianina ity. Ny fanenjehana sy ny tsindry mahzo azy ve no mafy ka vao mainka tsy mahita izay horaisiny izy sa izao ilay hoe tànana efa zatra mitsotra? Miliba, mifety, mirevy, manao kolikoly,… izay aloha no hita sy misongadina.

Izay nafafy no honjinjaina

Hamaky ny tohiny...


Edito

Hisy raha eto a !

12/01/2018

Ao anatin’ny tolona tanteraka ny herivelona isan-tsokajiny eto amin’ny firenena ankehitriny. Eo ny fitondrana am-perinasa, izay miady mafy sy mampidera taim-by, fa mahery sy matanjaka, ka tsy ho sarotra aminy ny mifikitra eo amin’io toerany io, rehefa voailika ny mpifandrina mafimafy.

 Ao ireo mbola mihainohaino sy mijery izay hametrahana ny tongotra. Fa ao ihany koa ny vonona sy sahy, ary tsy mikoso-maso amin’ny ramatahora isan-karazany satria sady atokisan’ny vahoaka no mahatoky ny vahoaka. Mandeha ny fifampiderana taim-by satria izay tokoa angamba ilay hoe samy zanaky ny mpanefy. Samy manana ny fomba fiadiny hoenti-mandresy anefa amin’ny fifidianana, ka ao ny efa mihevitra sahady fa hibata ny amboara ambongadainy amin’ny alalan’ny fomba mora dia ny fanodinkodinana ny safidim-bahoaka. Tsy hay aloha na hanaiky mora foana izany ilay vaomiera misahana azy io voalohany. Efa niseho teto mantsy ny fisian’ny valim-babena rehefa tontosa ny fampandresena iny olona iray iny sy ny ekipany, izay mbola tamana sy matahotra ny ho very fihinanana atsy ho atsy. Efa mailo ny amin’izany kosa ny rehetra, ka dia hisy, raha mbola izay no heverina fa hampanekena ny rehetra mora foana. Tsy fomba fiady intsony ny tahaka izany, ary vao mainka manaratsy endrika ireo mihevi-tena ho mafy ity tsy fahafehezana ny zava-dehetra ity, kanefa tsy manan-katao afa tsy ny hikapa ranjo ny hafa. Vidim-piainana midangana, tsy fandriampahalemana manjaka, ny famonjena traboina tsy voafehy,… Tsy efa mijoro ho fahavalon’ny rehetra ve raha mbola miana-kendry eo ihany ? Ny hamisavisana ny ratsy hiavian’ny soa, kanefa efa misy ihany ny miomana hamaly bontana sy hampisotro tangena ireo milaza aza ho mafy atsy ho atsy ho valin’ny mangidy nampitondraina azy !

Toky R

 

 <<Retour

 

Réagissez sur l'article - 0 réaction(s)

Hametraka fanamarihana

Captcha Recharger l'image

Copyright 2009 Tia Tanindrazana