Dans la męme rubrique

Antomotra ny farany e !

17/01/2018

Mikoropaka sy miady saina ny fanjakana Rajaonarimampianina amin’ny kapoka isan-karazany mihatra aminy.

Antomotra ny farany e !

Hamaky ny tohiny...

Izay tsy faly mibontsina

16/01/2018

Ho an-terisetra hatramin’ny farany ve izany no hanatontosana ny zava-drehetra mba ho tombontson’olom-bitsy ao anatin’ny 5 taona manaraka indray? Tsaroana ny fianianan’ny filoham-pirenena ankehitriny teo anatrehan’Andriamanitra Andriananahary sy ny vahoaka Malagasy nialohan’ny nandraisany fahefana 4 taona lasa izay.

Izay tsy faly mibontsina

Hamaky ny tohiny...

Hisy raha eto a !

12/01/2018

Ao anatin’ny tolona tanteraka ny herivelona isan-tsokajiny eto amin’ny firenena ankehitriny. Eo ny fitondrana am-perinasa, izay miady mafy sy mampidera taim-by, fa mahery sy matanjaka, ka tsy ho sarotra aminy ny mifikitra eo amin’io toerany io, rehefa voailika ny mpifandrina mafimafy.

Hisy raha eto a !

Hamaky ny tohiny...

Tsy hifampifahavalo mandrakizay

10/01/2018

Miha mafana ny rivotra politika eto amin’ny firenena amin’izao fotoana izao. Mihazakazaka mihitsy aza satria efa tena ankatoky ny fifidianana tokoa isika, ka eo ny efa mametraka ny paikadiny na dia mbola misy ihany aza aloha ny somary mihainohaino.

Tsy hifampifahavalo mandrakizay

Hamaky ny tohiny...

Fisandratana ahoana ?

09/01/2018

Toy ny vara-datsaka sy fanesoana ny vahoaka Malagasy hatramin’izao ary tena hotsaroan’ny tantara mihitsy ny kabarin’ny filoham-pirenena farany teo nandritry ny fifampiarahabana nahatratra ny taona teny Iavoloha.

Fisandratana ahoana ?

Hamaky ny tohiny...

Noho ny hafenoan’ny rano be loatra …

08/01/2018

Ambony ambany indray ny fiainam-pirenena, noho ny hafenoan’ny rano be loatra. Nijojo ny orana. Miantraika any anaty fiarahamonina efa ho taona maro ny fahasahiranana. Maro ny Malagasy no nindaosin’ny fahafatesana, mety noho ny aretina, ny famonoan-tena, ny lozam-pifamoivoizana, ny asan-jiolahy, ny loza voajanahary.

Noho ny hafenoan’ny rano be loatra …

Hamaky ny tohiny...

Izay nafafy no honjinjaina

05/01/2018

Sarotra ny hino sy hanantena, fa mba ho tonga saina sy hahalala ny tokony hataony ity fitondran-dRajaonarimampianina ity. Ny fanenjehana sy ny tsindry mahzo azy ve no mafy ka vao mainka tsy mahita izay horaisiny izy sa izao ilay hoe tànana efa zatra mitsotra? Miliba, mifety, mirevy, manao kolikoly,… izay aloha no hita sy misongadina.

Izay nafafy no honjinjaina

Hamaky ny tohiny...


Edito

Aleo mpamosavy malemy toy izay mpandainga …

11/01/2017

“Aza manao toy ny mpamosavy malemy ianareo, ka ny ao an-trano ihany no aripaka”, hoy ny filoham-pirenena manoloana ny fihetsik’ireo mpiara-miasa sy olona akaiky azy, izay toa mandoto sy mandefona Ivoho ny filoha sy ny fanjakana manontolo.

Dia lasa ny saina sy ny eritreritra hoe ny ao an-trano ihany izany no tsy azon’ny mpamosavy malemy manodidina ny filoha kitihina, fa ny Malagasy rehetra azo hampizakaina ny tsy rariny avokoa ary homena alalana hangoron-karena sy hanao izay danin’ny kibony ny mpamosavy rehefa tsy ny mpiray donak’afo aminy no asiany. Misy fomba fitenin’ny Malagasy anefa hoe “aleo mifanena amin’ny mpamosavy toy izay mifanena amin’ny mpandainga”. Ny mpamosavy malemy izay heverin’ny filoha fa hamely azy, dia ny namany ao an-dapa sy olona akaiky azy, izay mifampialona noho ny tombontsoa ka ny namany ihany no hopotehiny, ary hifandravarava ao izy ireo. Ny mpandainga kosa dia ny fiainan’ny Malagasy manontolo mihitsy no potiky ny fampanantenana sy ny kobaka am-bava, ka lainga natao fafy katrana avokoa ny nandrotsirotsiana ny valalabemandry. Firifiry tokoa moa ny ronono an-tavy natao tamin’ny Malagasy ka nametrahany fitokisana tamin’ny mpitondra ankehitriny saingy tratry ny lango malefaka sy ny lainga tsara lahatra, ka dia mijinja ny fahadisoam-panantenana ankehitriny, raha tsy hilaza afa tsy ny olan’ny delestazy izay nambara fa 3 volana dia mivaha. Tena tsy adala tokoa ny Ntaolo nilaza fa “aleo ihany mifanena amin’ny mpamosavy toy izay mifanena amin’ny mpandainga” ! Tena mifafa ny kiho ara-bakiteny e !

Toky R.

 

 <<Retour

 

Réagissez sur l'article - 0 réaction(s)

Hametraka fanamarihana

Captcha Recharger l'image

Copyright 2009 Tia Tanindrazana